CASTRIMARIS 95

hebetudine observata in Carolo valorem consensus in dubium vocari posse subiungit. Ceteri Testes eadem de audita Ca- roli impotentia deposuerant, sed duo etiam corpus ipsius se explorasse testati sunt, atque eius genitalia ad copulam exer- cendam esse omnino imparia et inertia absque dubio iudi- carunt.

3. Peritorum legale iudicium: cum Paulina Gambardella a civili Tribunali petiisset, ut civilem contractum propter Viri impotentiam dissolutum declararet, Iudex civilis tres peritos medicinae doctores elegit, qui physicam Caroli Cler constitutionem inspicerent: hi diligenter et accurate imposi- tum officium sunt exequuti, ac tandem clarissime et uno ore concluserunt Carolum Cler organa genitalia habere imperfe- ctissima, et ad copulam maritalem inepta, ideoque impoten- tia antecedente, insanabili, et perpetua esse affectum. Isto- rum Peritorum legale iudicium exhibetur in calce Processus ecclesiastici, quod, si ita placuerit, poterit admitti in hoc sacro Foro, sicuti optat Bariensis Curia. Neglecta autem fuit tamquam superflua et inutilis feminae physica inspectio.

Itaque si considerentur quae hucusque de hac causa iu- dicialiter collecta fuerant Barri, Castrimaris et Neapoli, vi- detur dubitari non posse de impotentia Caroli Cler, et de consequenti inconsummatione matrimonii cum Paulina Gam- bardella, siquidem conveniunt confessiones coniugum, Testium depositiones, Peritorum iudicium : impotentia vero iudicialiter probata nullum, irritumque iure naturali, divino, et humano reddit matrimonium, cuius finis est propagatio sobolis. Id- circo pro nullitate iudicandum esse, meo quidem iudicio, cen- seo cum Rmo Archiepiscopo Bariensi, qui miserae Paulinae resipiscentiae favere se ostendit, eamque ab illicito concubitu subtrahere quamprimum peroptat.

A N I M A D V E R S I O N E S D E F E N S O R I S M A T R I M O N I I E X O F F I C I O . Ca-

rolum Crei, cui die 16 Decembris 1874 nupsit, Paulina Gam- bardella in inutile lignum traducit, et proin connubium opere imperfectum atque irritum proclamat.

Lectissimi consultores, theologus et canonista, inter se