Acta Apostolicae Sedis - Commentarium Officiale222

illo tempore dictitantes scholam suppresserunt. Tunc Serva Dei mandatum

ostiariae assumpsit, quod tempore secundi totius mundi belli et annis post

bellum valde onerosum exstitit. Nam, alia pars Domus Generalis a civibus

Germanicis in patriam reversis occupata est, alia vero uti subsidiarium vale-

tudinarium castrense destinata. Die 16 mensis Martii anno 1945, quo urbs

Herbipolis ignivomis glandibus est concussa, Domus Generalis ipsa diruta

est, quam ob rem religiosae in locum Agrifeldam, apud Conventum Beatae

Mariae Virginis ab Auxilio, confugerunt, ubi etiam Serva Dei in custodiam

ianuae incubuit. Bello composito, ad Domum Generalem rediit, officium

suum obsequiose et misericorditer exercens usque ad mortem.

Vita Servae Dei austera ascesi est signata. Etiam tribulationes, quibus

infirmae valetudinis causa vexata est, divinae a defectibus revocationi cito

attribuit et, ob firmam indolem suam, constantem in cotidianis molestiis

superandis se ostendit. Religiosa suffulta fuit mira animi aequitate immen-

saque fiducia et omnimodo obsequio divinae voluntati, vitae spiritualis

profunditate, assidua oratione, diutina contemplatione et actuosa caritate.

Munus exercens magistrae, semper iuvenes ad interiorem vitam coram

Domino informare curavit, pro maiore Dei gloria minime parcens viribus.

Quicumque ei obvius veniebat, verba et solacium ab ipsa suscipiebat. Fide

viva et acuta, firma erga Eucharistiam devotione referta, emicuit et spes eius

in divina Providentia nec acerbioribus quidem temporibus concidit. Domi-

num sincero amore coluit ac toto corde, constanti perfectionis desiderio

impellente, humili gratoque animo ante mirabilia ab ipso gesta. Caritatem

in proximum cotidie operibus et verbis confessa est erga omnes, praesertim

erga magis indigentes.

Die 19 mensis Septembris anno 1966, Maria Iulitta embolia pulmonari

adeo correpta est, ut medici cordis pulsus imbecillitatem censerent. Post

meridiem diei 13 sequentis mensis Novembris deambulare voluit, sed humi

procubuit et, sacramento unctionis infirmorum refecta, paulo post Herbipoli

pie in Domino quievit.

Ob eius sanctitatis famam Causa Beatificationis et Canonizationis apud

Curiam Episcopalem Herbipolensem inita est per celebrationem Inquisitionis

dioecesanae a die 26 mensis Martii anno 1986 ad diem 13 mensis Iulii anno

1994, cuius auctoritas et vis iuridica a Congregatione de Causis Sanctorum

die 10 mensis Decembris anno 1999 probatae sunt. Positione confecta, die 20

mensis Novembris anno 2010, in Congressu Peculiari Consultorum Theologo-

rum prospero cum exitu disceptatum est, iuxta consuetudinem, an Serva Dei