98 ALEXANDRINA

S. Laurentii extra civitatem degenti plenius consulere cu- piens, die 12 Februarii decretum emisit, cuius hic praecipuam partem referre praestat. « Quum itaque in visitatione pasto- rali, nuper per Nos facta, comperimus, districtum quemdam extra moenia huius civitatis, qui olim ad suppressam pa- roeciam S. Andreae aliasque pertinebat, modo vero a viginti annis circiter ecclesiae collegiatae et parochiali S. Mariae ad Nives et de Curte, S. Laurentii praesentis civitatis sub- iectum existere, in eodem parochianorum quingentorum et ultra numerum reperiri, tum ob locorum distantiam asperam coenosamque viam tempore praesertim hyemali senes pueros- que ac debiles non sine maxima difficultate ad illam pro au- diendis divinis officiis, et percipiendis sacramentis accedere non posse, cum si nocturno tempore civitatis ianuas claudi contigerit, ut saepius fieri solet, aegrotos praesertim spiri- tuali sacramentorum subsidio carere, vel serius eisdem dif- ferri; ad dismembrationem, et erectionem respective novae paroeciae procedere statuimus. Idcirco facta hac super re, diligenti inquisitione, ac desuper constructa citato et audito d. Archipresbytero Bandolino Mussa dictae ecclesiae S. Ma- riae ad Nives et de Curte, nec non S. Laurentii parocho, processu de quo in actis, dictum districtum, seu territorium extra ianuam Ianuensem, sic dictum, positum, atque dictae paroeciae modo hactenus subiectum cum hominibus incolis, et familiis, a dicta parochiali ecclesia S. Mariae ad Nives, et de Curte et S. Laurentii nuncupata huiusce civitatis aucto- ritate ordinaria, et a S. Concilio Tridentino delegata, acce- dente, , atque Nostri Capituli consensu, dividimus, et dismem- bramus : et donec nova ecclesia parochialis in centro, vel alio loco a Nobis, vel successoribus Nostris praedicti terri- torii aptiore designando, a parochianis construatur, ecclesiam confraternitatis hac in civitate prope ianuam Ianuensem sub titulo SS. Crucifixi existentem, cum suo loco, et districtu praedicto in parochialem ecclesiam- ita erigimus, et con- stituimus atque sub invocatione S. Ioannis Evangelistae ere- ctam volumus, et declaramus. »