Congregatio pro Episcopis 227

2. ad Abbatiam territorialem Sanctissimae Trinitatis Cavensis pertine-

bunt tantummodo sodales eiusdem domus monasticae (monachi, novitii

atque postulantes);

3. archidioecesi Amalphitanae-Cavensi tres uniuntur Paroeciae vulgo

nuncupatae: « San Cesareo » in municipio « Cava de' Tirreni, Frazione di San

Cesareo, (SA) »; « Santa Maria Maggiore » in municipio « Cava de' Tirreni,

Frazione di Corpo di Cava, (SA) »; « SS. Pietro e Paolo » in municipio «Vietri

Sul Mare, Frazione di Dragonea, (SA) ». Statuit quoque ut, una cum territorio

illarum paroeciarum, ecclesiae, oratoria, domus, piae fundationes et quacum-

que alia ecclesiastica bona et iura ad easdem paroecias pertinentia praefatae

archidioecesi adnectantur;

4. simul ac Abbatiae territorialis Sanctissimae Trinitatis Cavensis nova

territorii definitio ad effectum deducta fuerit, dioecesani clerici dictae Abba-

tiae archidioecesi Amalphitanae-Cavensi incardinentur seminariique tirones

in eadem censeantur adscripti.

Ad haec omnia perficienda idem Summus Pontifex Exc.mum P.D. Adria-

num Bernardini, Archiepiscopum titulo Faleritanum et in Italia Apostolicum

Nuntium, deputare dignatus est, necessarias et opportunas eidem tribuens

facultates etiam subdelegandi, ad effectum de quo agitur, quemlibet virum

in ecclesiastica dignitate constitutum, onere imposito ad Congregationem

pro Episcopis, cum primum fas erit, authenticum exemplar actus peractae

exsecutionis remittendi.

Contrariis quibusvis minime obstantibus.

Datum Romae, ex aedibus Congregationis pro Episcopis, die 20 mensis

Augusti anni 2012.

Marcus S.R.E. Card. Ouellet

Praefectus

e Laurentius Baldisseri

Archiep. tit. Diocletianensis

a Secretis

Prot. N. 1003/2006