Congregatio de Causis Sanctorum 753

ACTA CONGREGATIONUM

CONGREGATIO DE CAUSIS SANCTORUM

ADRIENSIS - RHODIGENSIS

Beatificationis et Canonizationis Servae Dei Mariae Bolognesi, Christifidelis Lai-

cae (1924-1980)

DECRETUM SUPER VIRTUTIBUS

« Quid perficere possum pro animarum bono? Maxima mea cura erit

animarum salus, pro pauperibus mendicisque labor; difficillima et asperrima

quaerere quibus flosculum Iesu offeram ad hominum omnium restitutionem ».

Opus cuiusque suscepti officii rationis in consiliis Dei Providentiae per-

ficiendis facile recognoscere possumus in his verbis quae Dei Serva Maria

Bolognesi perscripsit: momentum scilicet cotidiani temporis, intima com-

munio cum fratribus et suipsius oblatio Deo sit.

Serva Dei nata est die 21 mensis Octobris anno 1924 in vico Bosaro

apud Rhodigium urbem. Inde a prima aetate miserrima vixit. Septem fra-

trum ortus familiae inopiam atque indigentiam in dies auxit, quibus morbi

se adiecerunt, qui totam Servae Dei vitam gravissime excruciaverunt. Qua

de causa per unum tantum annum discendi ludo uti potuit; tamen aviae

ferventissimo pietatis exemplo summas didicit religionis et moris rationes: in

Iesum, in homines omnes, in naturam amorem. Mox Iesu amico uti coepit,

qui erit fulcrum spiritualitatis eius. Erga familiam caritate inflammata,

etiam tum puella sibi immensum onus sumpsit, quippe quae et agros coleret

et in fratribus educandis operam daret. Fortissimo liberalique animo prae-

dita, admodum iuvenis Serva Dei non solum toto corde parvum puerorum

numerum quos matres gravi agrorum cura laboratae ei committebant, sed

etiam statuit se conferre ad pauperum aegrotorum et derelictorum servitium.

Etiam tum adulescens, Maria animo comprehendit quanti momenti es-

set una cum Ecclesia vivere. Qua de causa se totam Spirituali Moderatori