770 Acta Apostolicæ Sedis - Commentarium Officiale

Quem instar coronae sequentes comitabantur Sodales: 1. Ioannes Martínez, presbyter Hispanus, quadraginta fere annos natus,

in controversiis expertus. Sacristae et confessarii muneribus fungebatur apud Hispanos cives Pragae degentes. Ipso die caedis, cum Sanctissimi Sacra- menti species abscondere intendebat, comprehensus est, eiusque caput et dextera manus sunt excisa.

2. Simon, sacerdos ex Gallia, triginta fere annos agens, officium gerebat eleemosynas colligendi. In habitaculo impetum subiit; et calva eius ictu baculi est affecta; ac subito in stomacho aliisque membris corporis transfossus est.

3. Bartholomaeus Dalmasoni, sacerdos Italus, natus in Ponte S. Pietro, Bergomi. Ecclesiam et conventum restaurandos curabat. In loco subterraneo, quo confugerat, aggressionem subiit; deinde flagellis caesus est et gladio interemptus.

4. Hieronymus ex Comitibus appellatis Arese, diaconus Italus, ex Me- diolanensi urbe, viginti quattuor circiter annos natus. Dum in dormitorio coram altare Mariae Virginis flexis genibus versabatur, gladio transfixus est.

5. Gaspar Daverio, subdiaconus Italus, septem et viginti annos natus, ortum habuit in loco Busto Arsizio, Baretii, die 27 mensis Aprilis anno 1584. Hunc oppugnatores interfecerunt, deicientes eum e tectu ecclesiae.

6. Iacobus, aetatis circiter duodeviginti vel viginti annos, Germanus ex Augusta, clericus temporariis votis professus, a carnificibus e tectu ecclesiae deiectus est.

7. Clemens, duodeviginti vel viginti aetatis annos, Germanus ex Saxia, sodalis religiosus votis temporariis professus. Caput eius bipartito securi abscisum est.

8. Ioannes, Bohemo genere natus, clericus novitius. Fortasse malleo ferreo est necatus.

9. Christophorus Zelt, frater laicus, ex Neerlandia oriundus, septuaginta circiter annorum aetatis, coquus. Primus fuit qui martyrium subiit. Caput eius malleo ferreo est percussum.

10. Ioannes Didak, frater laicus, in Germania natus. Morti occubuit praeceps datus e turri ecclesiae simul cum sodalibus Gaspare et Iacobo.

11. Emmanuel, frater laicus, Bohemus civis, coqui officium exercebat. Contuso capite adversus murum, ex inferiore ecclesiae tecto in terram deiectus est.

12. Ioannes Bode, vel Rode, frater laicus, Italus ex Monpiano, Brixiae, holitor et auxiliaris sacristae. In subterraneo loco, quo se contulerat, ictibus

est vulneratus. Postea flagellis caesus, gladio percussus martyrio occubuit.