764 Acta Apostolicæ Sedis - Commentarium Officiale

designatus. Anno 1935 abusque incepto cuidam impensius vacavit dominae

Iacobinae Brière, ducissae primi coetus Salmurii, quae spirituale iuvenum

mulierum, moderatricum catholicae consociationis speculatorum, instituere

quaerebat cenaculum. Quod vero, die 28 mensis Ianuarii anno 1949, uti pia

consociatio ab Episcopo Bellovacensi probatum est et mox uti Institutum

religiosum dioecesanum, cui commissa est cura in Gallia et in Terra Sancta,

praecipue in vico Ein-Karem, Evangelii ad mentem Iacobi Sevin iuvenibus

nuntiandi. Sed etiam quoad hanc fundationem Dominus a Iacobo novum et

magnum sacrificium petiit. Nam, cum fundatio illa, cui Sanctae Crucis de

Hierosolyma nomen erat, post probationem piae consociationis praestan-

tem confirmationis et augmenti contigisset gradum, Praepositus Generalis

Societatis Iesu a Servo Dei, cuius vero perspexerit merita, petivit tamen,

ut gradatim a illo officio moderationis recederet. Et mos, quo resignatae

dispositioni reddidit, humilitatis et oboedientiae effulgens eminet exemplum.

Aetas eius iamiam vergebat: in visitatione ad Domum Generalem commu-

nitatis Sanctae Crucis de Hieroslyma in vico Baudrino super Esiam morbo

affectus est et, die 19 mensis Iulii anno 1951, pie in Domino quievit.

Ob eius sanctitatis famam, quae iam eo vivente summopere floruit et

post mortem, apud populum valde crebruit viguitque, Causa Beatificationis

et Canonizationis apud Curiam Episcopalem Bellovacensem in Gallia ini-

ta est per celebrationem Inquisitionis dioecesanae a die 20 mensis Martii

anno 1992 ad diem 18 mensis Martii anno 1993, cuius auctoritas et vis

iuridica a Congregatione de Causis Sanctorum die 20 mensis Maii anno

1994 probatae sunt. Positione confecta, die 23 mensis Octobris anno 2010,

in Congressu Peculiari Consultorum Theologorum prospero cum exitu dis-

ceptatum est, iuxta consuetudinem, an Servus Dei more heroum virtutes

christianas exercuisset. Patres Cardinales et Episcopi in Sessione Ordinaria

diei 10 mensis Ianuarii anno 2012, cui egomet ipse Angelus Cardinalis Amato

praefui, audita relatione Eminentissimi ac Reverendissimi Domini Antonii

Cardinalis Cañizares Llovera, Causae Ponentis, professi sunt Servum Dei

virtutes theologales, cardinales iisque adnexas in modum heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,