756 Acta Apostolicæ Sedis - Commentarium Officiale

PATERSONENSIS

Beatificationis et Canonizationis Servae dei Mariae Teresiae Demjanovich, Sororis

Professae e Congregatione Sororum Caritatis Sanctae Elisabeth (1901-1927)

DECRETUM SUPER VIRTUTIBUS

« Manete in me, et ego in vobis. Sicut palmes non potest ferre fructum

a semetipso, nisi manserit in vite, sic nec vos, nisi in me manseritis. Ego

sum vitis, vos palmites. Qui manet in me, et ego in eo, hic fert fructum

multum, quia sine me nihil potestis facere » ( Io 15, 4-5).

Evangelii hoc verbum mira ac singulari ratione conversatione et spiritua-

litate Servae Dei Mariae Teresiae Demjanovich, religiosae, personat, quae

viam fidei in progressu mysterii Christi communicationis per constantem

adhaesionem vitae cotidianae recensitae summopere trivit.

Serva Dei die 26 mensis Martii anno 1901 Baioci in finibus Novae Cae-

sareae regionis nata est e Slovachis parentibus in Civitates Foederatas

Americae Septentrionalis commigratis, qui coniuges erant profunda catho-

lica fide et devota pietate religiosa informati. Iam inde a pueritia claram

ostendit conscientiam se voluntatem Dei omnibus in adiunctis exquirere et

ad vitam consecratam referri velle. Eximias ob suas intellectus virtutes,

cursus sive elementariae sive secundariae scholae florentissime frequen-

tavit. Studiis ad tempus ob infirmitatem ipsius salutis et mortem matris

intermissis, in Universitatem Studiorum seu Collegium « Sanctae Elisabe-

th » denique se ascripsit, a religiosa Sororum a Caritate Sanctae Elisabeth

rectam communitate, quae ex iisdem principiis Congregationis a Sancta

Elisabeth Anna Bailey Seton institutae tamquam e fonte hauriebat, ibique

anno 1923 lauream adepta est. Illis annis vitam spiritualem naviter cura-

vit, celebrationem eucharisticam cotidie obiit atque orationi, praesertim

piis Viae Crucis coronaeque marialis et Sanctissimi Sacramenti visitandi

devotionibus, ac meditationi impensius vacavit. Cotidianos inter labores

intimum Dei vividum semper servavit consortium.

Die 26 mensis Martii anno 1922, quo vicesimum secundum natalicium

agebat, Maria Teresia familiam suam monasterium ingrediendi participavit

desiderii, quod autem Priorissa Carmelitarum Decalceatarum de Gun Hill in

Neo-Eboracensi vulgari sermone Bronx nuncupata insula frustrata est, cum