Congregatio de Causis Sanctorum 773

reductiones pro indianis, qui pelles rufae vocantur, in locis Portulevante,

Muskegon, Ludington et Grandormio concessit. Anno 1836, ad Europam

profectus est, ut auxilia pecuniamque pro missionibus colligeret et praelo

daret diversarum orationum libros nativorum tribuum linguis exaratos. Quo

in itinere a Summo Pontifice Gregorio Papa XVI receptus est, qui eum

valde confirmavit, ut in tanto ministerio suo perseveraret.

Consequenti anno, Cuspidem in America Septentrionali ad ripam Lacus

Superioris apud nativos indigenas Chippewasenses una cum sorore sua An-

tonia, quae prima fuit laica missionaria Slovena natione, rediit. Proximos

in annos Servus Dei plures apparavit librorum de re religiosa lingua Oji-

bwana exaratorum editiones et nativos Calenses visere profectus est, apud

quos iuxta exemplum Patrum e Societate Iesu in Paraquaria reductionem

quandam e quinquaginta fere familiis ad Christi fidem conversis constitutam

suscitans constitit. Interdum, catechismum Ecclesiae catholicae ad usum

adultorum nativorum simul et gramaticam linguae ojibwanae necnon lexi-

con anglicum - ojibwanum incepit conficiendum. Anno 1847 in apostolatu

quoque inter fossores europaeos in Kevinaviam paeninsulam commigratos

adeo enisus est, ut, anno 1852, Prima Synodus Baltimorensis nomen eius

Summo Pontifici pro Vicarii Apostolici in Michiganiae Superioris regione

officio proponeret exercendo.

In humana sua et sacerdotali conversatione Servus Dei virum miro sa-

crificii spiritu suffultum se praebuit, firmum ministrum Domini apostolica

sollicitudine ardentem. Ad salutem Christi nativis indigenis Americae Sep-

tentrionalis nuntiandam nihil liquit inausum, sed ab omni commodo suo

nullam parcens operam descivit. Spiritualis ac socialis omnium, qui ipsius

curae commissi essent, profectus iugiter ei cordi fuit et valde praestitit, ut

Ecclesiam exsereret, quae tam in amplo et fero orbe summo ac validissimo

operi pastorali consuleret. Item, numquam ab oratione, contemplatione et

liturgica celebratione quibuscumque in temporis vel loci adiunctis recessit:

prex immo eius fidei, benignae caritatis et virtutum exemplarium constans

fuit nutrimentum. Genuinam quandoque et vehementem vincere valuit in-

dolem, veniae expetendae nihil pudens semperque exquirens, ut pacem et

gratiam recuperaret omnium, quibuscum forte dissensisset.

Cincinnati, die 1 mensis Novembris anno 1853, Servus Dei Episcopus

titularis Amyzonensis consecratus est. Quo largiorem pro operibus suis pas-

toralibus colligeret pecuniam, denuo in Europam transiit et in audientia a