Congregatio de Causis Sanctorum 755

palpitationibus, quibus anno 1971 paulum afuit quin moreretur. Anni secuti

sunt semper gravioribus infirmitatibus repleti, quas maxima cum laetitia

peregit magnoque animo, depositis ingratitudine, hostilitate et obtrectatio-

ne, quibus obtundebatur. Post menses gravia inter tormenta transactos, die

30 mensis Ianuarii anno 1980 Rhodigii pie quievit in Domino. Exsequiae

celebrate sunt inter lugentes amicos, qui, cum eiusdem recognovissent sanc-

titatem, innumeri interfuerunt.

Cum Serva Dei magna sanctitatis fama in vita et post mortem circumda-

retur, apud Curiam Episcopalem Rhodigiensem Inquisitio dioecesana habita

est a die 21 mensis Octobris anno 1992 usque ad diem 8 mensis Iulii anno

2000, cuius auctoritas probata est a Congregatione de Causis Sanctorum

Decreto diei 25 mensis Maii anno 2001. Parata Positione, disputatum est

secundum soliti moris rationem num animo heroico Serva Dei virtutes exer-

cuisset. Congressus Peculiaris Consultorum Theologorum prospero cum exitu

habitus est die 24 mensis Iunii anno 2011. Patres Cardinales et Episcopi in

Sessione Ordinaria, cui ego, Card. Angelus Amato, die 6 mensis Martii anno

2012 praefui, post relationem auditam Ecc.mi D.ni Salvatoris Fisichella,

Archiepiscopi tit. Vicohabentini, Causae Ponentis, professi sunt Dei Servam

virtutes theologales et cardinales et coniunctas heroico modo exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servae Dei

Mariae Bolognesi, Christifidelis Laicae, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 10 mensis Maii anno Domini 2012.

angelus card. amaTo, s.d.B. Praefectus

L. G S.

G marcellus BarTolucci Archiep. tit. Mevaniensis, a Secretis