ALEXANDRINA 105

Neque vim habere autumat aliam parochi S. Ioannis anim- adversionem, qua etiam sententia usa fuit, videlicet in hoc iudicio tres parochos sistere, quia nesciunt cui novae aedes adscribendae sint. Etenim asserit, urbanorum parochorum ius non modo in illa fronte versari quae paroeciam respicit S. Ioannis, sed etiam in toto moenium ambitu e conspectu totius ruralis territorii. Definita vero a S. C. C. urbana iu- risdictio in moenibus, trium parochorum erit inter se omnia componere et cuiusque limites describere. Tandem putat nihil ad adversariorum causam conferre responsum S. C. in Gra- tianopolitana diei 21 Maii praeteriti anni. Tunc enim inter finítimas paroecias muris tantum et propugnaculis, non vero agrorum planitie unius milliarii disiunctas quaestionem agi- tatam fuisse recolit, atque iam ab anno 1858 ab Episcopo OinoulhiaC paroeciarum terminos per divisionem controversi territorii fuisse constitutos.

Ad postremum contradictoris argumentum ex possessione desumptum gradum faciens orator, nonnulla sententiae verba reprehendenda autumat, quibus superficies eversarum mu- nitionum uti res nullius enunciatur, ideoque parochum S. Ioan- nis eam merito sibi addixisse dicitur. Etenim dato et non concesso quod tres parochi urbani in probatione defecissent, non exinde ius parochi ruralis oriretur, sed potius respon- deri posset iuxta Salomonis oraculum: « nec mihi, nec tibi, sed dividatur ». Praeterea cum moenia sint civitatis acces- sorium, utpote ad earum defensionem erecta, intrare putat principium: « accessorium sequitur principale ». Neque ve- ritati niti contendit patronus curiae sententiam, cum asserit: quod parva esset Zona territorii, quae tribui posset quatenus paroeciis urbanis tribui deberet. Siquidem ex lytographico typo a praesidii chiliarcho edito ac in actis relato colligi censet, novas et amplas aedes non solum in superficie ever- sarum munitionum, sed imo in interiori huius parte fuisse aedificatas.

Tandem relate ad iaciat am possessionem observat hic agi de aedibus recenter extructis, quae nullius possessionis prae-