758 Acta Apostolicæ Sedis - Commentarium Officiale

vota religiosa in manibus moderatoris eius spiritualis profiteretur. Die 6 men-

sis Maii anno 1927, appendix eius intestini putrida resecata est, quae iamdiu

vero in peritonitidem prolapsa erat. Biduo post, die 8 mensis Maii anno

1927, Elisabethopoli in Nova Caesarea regione Deo pie spiritum reddidit.

Ob eius sanctitatis famam, Causa Beatificationis et Canonizationis apud

Curiam Episcopalem Patersonensem in Nova Caesarea regione e Civitatibus

Foederatis Americae Septentrionalis inita est per celebrationem Processus

Ordinarii inter annos 1953 et 1954, quem, anno 1971, Processus Suppletivus

et a die 18 mensis Maii ad diem 18 mensis Decembris anno 1981 Processus

Apostolicus secuti sunt, quorum auctoritas et vis iuridica a Congregatione

de Causis Sanctorum die 28 mensis Maii anno 1999 probatae sunt. Positione

confecta, disceptatum est, iuxta consuetudinem, an Serva Dei more heroum

virtutes christianas exercuisset. Die 25 mensis Iunii anno 2011 prospero cum

exitu habitus est Congressus Peculiaris Consultorum Theologorum. Patres

Cardinales et Episcopi in Sessione Ordinaria diei 17 mensis Ianuarii anno

2012, cui egomet ipse Angelus Cardinalis Amato praefui, audita relatione

Excellentissimi ac Reverendissimi Domini Raphaëlis Martinelli, Episcopi

Tusculani, Causae Ponentis, professi sunt Servam Dei virtutes theologales,

cardinales iisque adnexas in modum heroum exercuisse.

Facta demum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servae Dei Mariae

Teresiae Demjanovich, Sororis Professae e Congregatione Sororum a Caritate

Sanctae Elisabeth, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 10 mensis Maii anno Domini 2012.

angelus card. amaTo, s.d.B. Praefectus

L. G S.

G marcellus BarTolucci Archiep. tit. Mevaniensis, a Secretis