108 ALEXANDRINA

modi exceptiones in quolibet iudicii sede a reo convento contra collitigantes, opponi posse, neque ex mora ius parochi S. Io- annis peremptam fuisse.

Deinde controversiam propius attingens, tuetur senten- tiam Alexandrinae Curiae confirmationem S. C. O. mereri. Ait enim eam binas dirimere quaestiones, videlicet ante omnia declarare et decernere definitive spectare et spectasse ad S. Ioannis paroeciam rurale territorium olim paroeciae S. Lau- rentii, ac praeterea eidem parocho S. Ioannis ius competere continuandi et manendi in exercitio suae iurisdictionis super area iam occupata a propugnaculo civitati proximiori, ubi nempe adaperiebatur « porta Genova o Savona, » sed provi- sorio modo, et sub clausula revocandi sententiam, quatenus asserti actores, aut unus ex eis potiora iura demonstraverit. Animadvertit autem huiusmodi sententiam omnibus iuris prae- scriptionibus adamussim servatis fuisse latam, atque ante- quam ederetur ea omnia fuisse perpensa atque accurate de- scripta quae intricatam controversiam in lucem proferre po- tuissent. Verum, pergit orator, nedum quoad formam, senten- tiam numeris omnibus absolutam esse, sed etiam ob intrínsecas rationes ; apprime enim cohaeret decreto Episcopi D'Angennes diei 12 Februarii 1825, ex quo haec consequi memorat.

1 Nonnisi ratione districtus extra moenia civitatis existentis et spectantis ad paroeciam S. Laurentii, erectam fuisse novam paroeciam, eo quia habitatores illius districtus ob distantiam et asperitatem viae carebant spirituali subsidio, praesertim nocturno tempore quo saepe portae civitatis claudebantur. 2 In eo edendo omnes solemnitates fuisse expletas, cum in- stitutus fuerit processus citato et audito parocho S. Laurentii, et accedente Capituli consensu. 3 Patet a decreto, districtum seu territorium extra ianuam Ianuensem, quod olim ad ec- clesiam S. Laurentii pertinebat, assignatum et tributum fuisse novae paroeciae S. Ioannis Evangelistae. 4 Eruitur demum, erectam fuisse in ecclesiam paroecialem, ecclesiam confraternitatis prope ianuam Ianuensem sub titulo SS. Cru- cifixi, donec altera constitueretur.