Congregatio de Causis Sanctorum 759

CARPENSIS

Beatificationis seu Declarationis Martyrii Servi Dei Odoardi Focherini, Christifi-

delis Laici et Patrisfamilias († 27.12.1944)

DECRETUM SUPER MARTYRIO

« In purissima Christi fide morior, in quam, sicut et in Ecclesiam et

Papam summopere credo ».

Super semitas populi sui et humanae historiae tragoedias praefulgi-

da Deus semper sufflammat sidera, quibus viam certam collustret spesque

nostras corroboret. Quas inter luces eminens effulget Servi Dei Odoardi

Focherini, patrisfamilias, fidei confessio mox memoranda, ex ultimis ipsius

verbis in campo detentionis v.d. Hersbruck effatis collecta. Qui, uberrimum

consecrationis Deo et, ut dicatur, « studii hominis » exemplum, communio-

nem ecclesialem servitiumque apostolicum apud laicorum consociationem

illam, cui nomen « Actio Catholica », et artem ephemeridum componendarum

penitus, necnon tranquillam et actuosam vitam familiarem expertus est.

Damnatus quod esset christianus, christiani instar mortuus est oblationem

vitae suae benigne offerens. Sensibus fidei comitantibus, quos in familiae,

civilis cultus, pietatis societatisque adiunctis vixerat atque excoluerat, sese

omnino caritati Dei commisit.

Verus hic testis Christi die 6 mensis Iunii anno 1907 Carpi natus est et

sequenti die 9 ad batismalem fontem ductus. Die 11 mensis Maii anno 1913

sacramentum Confirmationis recepit. Iam inde a iuventute assidue sacra-

menta frequentavit et inter ordines Actionis Catholicae Italiae se ascripsit,

ubi praecipuis muneribus functus est, primum institutoris, dein Praesidis

Dioecesani. Operi Realinae, uti dicitur, Carpensi pro institutione et cari-

tate provehendis interfuit et a Secretis fuit Primi Congressus Eucharistici

dioecesani anno 1931 celebrati.

Die 9 mensis Iulii anno 1930, Mariam Marchesi uxorem duxit, e qua

septem habuit filios, quos omnes summa cum laetitia accepit et in navitate

spiritus aluit. Vincula familiaria instituit mutuae in alterum pietati et verae

christianae caritati intime conserta et matrimonii sacramentalis vivificata

gratia. Sollicitus pater et sollers, in societate quadam cautionum actoris

laborem exercens necessitatibus amplae suae familiae providit.