Congregatio de Causis Sanctorum 763

Servus Dei persuasissimum sibi habuit hoc optimum esse ad instituendos

iuvenes instrumentum eiusdemque summam disciplinae tradendae in vitae

humanae et christianae provectum intellexit facultatem. Proinde, hac ampla

et integrali iuvenum educationis constituta ratione, simul institutor specu-

latorum ac moderator spiritualis factus est.

Consociationis iuvenum speculatorum in Ecclesiam instruendae impel-

lente studio, eam percoluit altoque religioso ditavit afflato atque efficac-

iter curavit, ut universa Speculatorum Galliae vita firmis fidei et doct-

rinae catholicae mandatis inniteretur. Constans eius intima semper fuit

voluntas responsum Christo dare, qui omnes devocat, ut incremento regni

eius cooperentur. Servus enim Dei semper se ostendit alacer et promptus

ad « laborem cum Christo diu noctuque vigiliam », sicut in eius Exercitiis

(n. 93) legitur, et ad compatiendum Christo, ut et conglorificetur (cf. Rom

8, 17). Iuvenibus proponere valuit iter illud cotidianae sanctitatis, sed antea

ipse idem iter pulsavit, virtutes naturales probe cohonestans et theologa-

lium cardinaliumque constans praebens testimonium, necnon cotidie e fonte

hauriens orationis, Eucharistiae et contemplationis ex more Sancti Ignatii

et marialis pietatis.

Honoratus et a consociatione iuvenum speculatorum « lupo argenteo »

excelse decoratus, aerumnis reluctationibusque nullomodo parcere potuit.

Initio enim, consociatio suspicionem et inimicitias catholici orbis appetiit

et adiuncta modo tum processerunt, cum Summus Pontifex Pius Papa XI

in audientia mense Septembri anno 1925 speculatoribus catholicis ex toto

orbe in Urbe peregrinis concessa laudavit eorumque sollemniter probavit

opera. Aliae autem difficultates intus in ipsa consociatione deinde ortae sunt,

quae postremo ad eius expulsionem ex altis officiis sodalitatis diuturnitate

perduxerunt. Omnibus his in angustiis Servus Dei actuosae humilitatis et

libertatis spiritualis fuit speculum: conscius enim, calumniarum iniurarum-

que in se effusarum, viam beatitudinum remissionis selegit et orationis et,

divinae Providentiae omnino confisus, ad munera sua laetus se contulit,

nullam forinsecus exhibens inquietudinem et omnem autem intimam animi

aequitatem servans, pacem excolens et, vero in spiritu oboedientiae, num-

quam sinceritatem superioribus debitam praetermittens.

In molestiis annorum secundae totius mundi belli, Servus Dei muneri-

bus superioris domus Societatis Iesu Trecensis functus est (1940 -1946) ac

deinde scriptor et operarius alia in domo Parisiensi eiusdem Societatis