NANNETEN. ET CAPITIS HAITIANI 115

« unusquisque a proprio Episcopo ordinetur ». Scitum enim est huiusmodi facultatem proprios subditos ordinandi exerceri posse ab Episcopis vel per se, vel litteras dimissoriales dando. Hae vero dimissoriales, ceu ius aperte monet, « ad quemcumque antistitem, gratiam et communionem cum Apostolica Sede habentem » mitti possunt. Unde profecto reprehendendi haud esse viderentur Haitiani Episcopi, qui haud valentes ob lo- corum distantiam suis subditis in Gallia commorantibus sa- cros ordines per se conferre, eos ad alios Antistites sibi be- nevisos remittunt. Nec forsan obiici posset alios Episcopos, quibus litterae dimissoriales diriguntur, non posse Pontifi- calia et proinde ordinationem habere intra limites dioecesis Nannetensis ad tramites Cap. 5 sess. 6 De reform. Etenim ex deductis constat Nannetensem Praesulem amplissimam ad hoc concessionem Haitianis Episcopis induisisse, ac iure a S. C. C. in themate rogatum respondisse: « satius esse ut Episcopi provinciae Haïtianae usum retineant de his quoad ordinationes disponendi tamquam de suis, omissa omnino de- legatione Episcopi Nannetensis ».

Accedit quod licet mentio expressa exemptionis Seminarii in loco Pont-château erecti, haud inveniatur in actis, nihi- lominus ea saltem aliquo sensu minime videretur deneganda. Sane ipse Antistes Nannetensis fatebatur praedicti seminarii alumnos « neque ratione originis, ut plurimos, neque ratione destinationis, neque ratione magistrorum quibus utuntur, sub ditione Episcopi Nannetensis constitui ». Ac praeterea ex lit- teris Episcopi Portus Pacis eruitur, superiorem generalem Congregationis Mariae Episcoporum provinciae haïtianae per- sonam in Gallia gerere, ac vere eorum Vicarium generalem •constitutum fuisse praesertim « pour les ordinations, les let- tres testimoniales et dimissoriales, les celebret à donner à jeunes prêtres etc. ». Haec autem profecto dum ex una parte privilegium aliquod a S. Sede indultum ostendere videntur, ex alia clare innuunt praefatum Seminarium aliquali exem- ptione saltem de facto praeditum esse.

Quod si praxis hucusque vigens pro alumnis Seminarii