Congregatio de Causis Sanctorum 767

ficentiae fautorem. Ille tamen potissimum animarum pastorem se sentiebat

humilemque Iesu discipulum. « Qui non aedificat sub unico fundamento quod

est Iesus Christus et sub lege caritatis, humilitatis et amoris - dicere sole-

bat - forsitan sumptuosa aedificia exstruet, sed ad destructionem destinata

adque ruinam afferendam et calamitates maiores illis quas passi sumus ».

Die 15 mensis Septembris anno 1958 Servus Dei, iam ultraoctogenarius,

ab officio Episcopi Tricaricensis renuntiationem exhibuit, sed Capitulum

Cathedralis Ecclesiae eam repulit. Die 4 mensis Iunii anno 1959 cum Con-

silio Discipularum coram acceptus est atque beatus Ioannes XXIII eum

« Sanctum » appellavit. Graviter aegrotans, die 23 mensis Novembris anno

1960 cordis morbo est correptus atque die 25, annis meritisque onustus,

pie in Domino obdormivit.

Hic Pastor indefatigabilis, prudens et sapiens Fundator, iam iuvenis

presbyter sibi sanctitatem assequi proposuit per promptum, laetum, gene-

rosum et constans, etiam in onerosis et arduis temporibus sui ministerii,

exercitium virtutum christianarum, sacerdotalium et episcopalium, unice

et semper ad gloriam Dei et in bonum suorum Sacerdotum, Discipularum

suique gregis. Diligenter vestigia divini Pastoris sequens, exemplar exstitit

vitae pro omnibus prope eum adstantibus.

Ob sanctitatis famam quae sua sponte apud populum crescebat, a die

25 mensis Novembris anno 1968 ad diem 23 mensis Decembris anno 1990

apud Curiam Dioecesis Tricaricensis Processus Ordinarius est celebratus

super vita et virtutibus, cui additi sunt Processus rogatoriales, alius Neapoli

a die 11 mensis Februarii anno 1974 ad diem 25 mensis Februarii anno

1975 celebratus, alius Lyciensi in urbe die 23 mensis Novembris anno 1990.

Iuridica validitas huiusmodi Inquisitionum canonicarum per Decretum die

8 mensis Ianuarii anno 1993 a Congregatione de Causis Sanctorum est

recognita. Parata Positione, die 22 mensis Ianuarii anno 2011 Peculiaris

Consultorum Theologorum Congressus, positivo cum exitu, habitus est. In

Sessione Ordinaria die 10 mensis Ianuarii anno 2012 Patres Cardinales et

Episcopi, me Card. Angelo Amato praesidente, audita relatione Ponentis

Causae Excellentissimi Domini Ambrosii Spreafico, Episcopi Frusinaten-

sis-Verulani-Ferentini, edixerunt Servum Dei heroicum in modum virtutes

theologales, cardinales iisque adnexas excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,