NANNETEN. ET CAPITIS HAITIANI 117

Dioecesim nannetensem pertinet, ibique Episcopus nannetensis iurisdictione ordinaria primario pollet » scribit S. Congrega- tioni idem nannetensis Antistes, ac proinde nullum privile- gium quod ordinariae iurisdictioni deroget admitti potest. Hisce autem positis, et controversia de subscriptione littera- rum testimonialium absoluta videretur. Equidem cum unus nannetensis Praesul sacras ordinationes vel per se vel per alium in suo territorio peragere valeat, sequitur et ipsi tan- tum competere habitae ordinationis testimonia exarare.

Tandem relate ad ultimum quaestionis punctum scilicet cuius nomine legi debeat interdictum ante ordinationem, cum ex capit, novit et /. omnes 2 ff. de off. procons. extra ter- ritorium nemini datum sit iurisdictionem contentiosam exer- cere, ne iudici ordinario illius loci iniuriam inferat, Episcopi nannetensis nomine legi dicendum esset. Neque valet quod clerici subditi sint Episcopi ordinantis, nam ferens censuram debet esse intra proprium territorium, nam extra illud exi- stens, etiam sibi alias subditum, censura haud ligare potest. Ita Abbas in cap. novit 7 num. 3 de off. leg. Schmalzgr. Pars IV. t. 39 n. 24 etc.

His quoad propositas quaestiones summatim delibatis, pro- posita fuerunt diluenda

Dubia

I. An praxis usque adhuc servata in ordinatione cleri- corum Seminarii Haitiani intra limites Dioecesis nanne- tensis existentis, retineri possit in casu.

Et quatenus negative. II. An tantum Episcopi nannetensis sit ordinationes in

praefato Seminario peragere, dimissoriales litteras Ordina- riis alumnorum recipere, ferre interdictum ante ordinatio- nem et collaturum ordinum testimonia subscribere in casu.

R E S O L U T I O . Sacra C. Concilii re discussa sub die 13 Iu- lii 1893 censuit respondere: Ad I. Consulendum SSmo pro confirmatione praxis, ita tamen ut ordinandi ad alium