768 Acta Apostolicæ Sedis - Commentarium Officiale

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servi Dei Ra-

phaëlis Delle Nocche, Episcopi Tricaricensis et Sororum Discipularum a Iesu

Eucharistico Fundatoris, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 10 mensis Maii, anno Domini 2012.

angelus card. amaTo, s.d.B. Praefectus

L. G S.

G marcellus BarTolucci Archiep. tit. Mevaniensis, a Secretis

PRAGENSIS

Beatificationis seu Declarationis Martyrii Servorum Dei Friderici Bachstein et XIII Sociorum, Ordinis Fratrum Minorum († 15.02.1611)

DECRETUM SUPER MARTYRIO

« Et omnes fratres, ubicumque sunt, recordentur, quod dederunt se et

reliquerunt corpora sua Domino Iesu Christo. Et pro eius amore debent

se exponere inimicis tam visibilibus quam invisibilibus; quia dicit Dominus:

Qui perdiderit animam suam propter me, salvam faciet eam (cfr. Lc 9, 24)

in vitam aeternam ( Mt 25, 46). Beati qui persecutionem patiuntur propter

iustitiam, quoniam ipsorum est regnum caelorum ( Mt 5, 10) » ( Regula non

bullata Sancti Francisci Assisiensis XVI, 10-12).

Seraphicus vir Assisiensis, sublimi inflammatus caritate, per ignem veri

martyrii Domino se tradere cupivit. Corona, quam ipse appetiverat, peculiari

gratiae dono reservata est innumeris eius filiis, qui saeculorum decursu

digni sunt habiti ut catholicam fidem usque ad sanguinis effusionem testi-

ficarentur ad altissimam amoris Dei viam fratribus hoc modo ostendendam.