Congregatio de Causis Sanctorum 769

Quos inter eminent Servi Dei Fridericus Bachstein et tredecim Socii,

sodales professi ex Ordine Fratrum Minorum, qui vitam fraternitatis in lae-

titia gesserunt, testimonium perhibuerunt de propria unitate in diversitate

culturarum, summo studio observantiam Regulae curarunt, veri fratres in

fide et caritate commune oppetiverunt martyrium Pragae die 15 mensis

Februarii anno Domini 1611.

Sub suavissimo conspectu Deiparae Matris, in coenobio Sanctae Mariae

ad Nives, humiles hi Servi Domini assiduos se praebebant in celebratione

Officii Divini, in exercitiis pietatis et in conversatione vitae communis.

Inter eos, alii erant presbyteri qui ministerio praedicationis frugifere pros-

piciebant, sacramenta administrabant, infirmos invisebant et processiones

instituebant, veros se declarantes propugnatores catholicae doctrinae; alii

vero, non clerici, testimonium fidei similiter exhibebant eucharisticum mys-

terium adorantes necnon laudes precesque ad Beatam Mariam Virginem

effundentes.

Filii Sancti Francisci apud publicas religiosasque urbis auctoritates et

apud catholicum populum optima fruebantur opinione. In odio erant tan-

tummodo apud haereticos, qui « stultos Dei » appellabant eos. Dum vias

percurrebant vel stipem quaeritabant, saepe contumeliis afficiebantur, ali-

quando fustibus, limo vel saxis percutiebantur, immo mortis minationibus

vexabantur. Omnes humiliter ac patienter respondebant, et veniam offeren-

tes propter amorem Domini, et immo gaudentes contumeliam pati pro uni-

tate Sponsae Christi. Huius evangelicae, pauperis et laetae vitae exemplum

secuti, plurimi Reformati in Catholicam Ecclesiam sunt regressi.

Mane diei 15 mensis Februarii anni 1611 turba quaedam irata, gladiis

et fustibus armata, conventum oppugnavit instigata per calumniam adver-

sus fratres, accusatos de auxilio inimicis urbis Pragae praestando. Singuli

fratres suo quisque muneri prospicientes, ex improviso sunt comprehensi,

letaliter tandem percussi martyrio occubuerunt omni dempta defectione ob

catholicam fidem tuendam.

Huic selecto agmini defensorum fidei, qui digni erant ut inter martyres

cooptarentur, praepositus est Pater Fredericus Bachstein, presbyter Bohe-

mus, natus in urbe Pomerio prope Jindrichuv Hradec, quinquaginta fere

annos aetatis, vicarius conventus et magister novitiorum. Lanceae ictu in

cor illato necatus est.