Congregatio de Causis Sanctorum 771

13. Antonius, novitius laicus, Bohemus. Mortem obiit forsitan gladio

transfossus.

Fidelis populus Servos Dei immediata, propagata et spontanea venera-

tione prosecutus est, quamobrem Causa statim promota est per viam cultus.

Attenta tamen difficultate ut applicaretur « casus exceptus » ob Decretum

Urbani VIII anni 1625, Causa ad martyrium agnoscendum per consuetam

viam est resumpta. Itaque prior Processus Informativus Pragae instructus

est annis 1695-1698.

Ob intricatas tamen temporum vicissitudines, aliquot per saecula Causa

retardata est. Alter enim Processus Informativus habitus est Pragae a die

11 mensis Maii anno 1933 ad diem 24 mensis Novembris anno 1944. Adepta

horum Processuum validitate per Decretum diei 20 mensis Aprilis anno 1994,

apparata est Positio super asserto martyrio, quae faventi sententia excepta

est sive in Historica Consultorum Sessione die 16 mensis Decembris anno

2003, sive in Peculiari Consultorum Theologorum Congressu die 5 mensis

Martii anno 2011, quarto ipso recurrente saeculo a patrato martyrio Ser-

vorum Dei. Tandem Purpurati Patres et Episcopi in Ordinaria Sessione

congregati, quam ego, Card. Angelus Amato praesedi die 20 mensis Ianuarii

anno 2012, audita relatione Ponentis Causae, Exc.mi D.ni Lini Fumagalli,

Episcopi Viterbiensis, praefatos Dei Servos interemptos esse agnoverunt

propter ipsorum fidelitatem erga Christum et Ecclesiam.

Facta denique de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, ipse Beatissimus

Pater, vota Congregationis de Causis Sanctorum excipiens rataque habens,

hodierno die declaravit: Constare de martyrio eorumque Causa Servorum

Dei Friderici Bachstein et tredecim Sociorum, ex Ordine Fratrum Minorum,

in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 10 mensis Maii anno Domini 2012.

angelus card. amaTo, s.d.B. Praefectus

L. G S.

G marcellus BarTolucci Archiep. tit. Mevaniensis, a Secretis