Congregatio de Causis Sanctorum 775

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 10 mensis Maii anno Domini 2012.

angelus card. amaTo, s.d.B. Praefectus

L. G S.

G marcellus BarTolucci Archiep. tit. Mevaniensis, a Secretis

TRANENSIS-NAZARENSIS et BAROLENSIS

Beatificationis et Canonizationis Servi Dei Paschalis Uva, Sacerdotis Dioecesani

Fundatoris Congregationis Sororum Ancillarum a Divina Providentia (1883-1955)

DECRETUM SUPER VIRTUTIBUS

« Quamdiu fecistis uni de his fratribus meis minimis, mihi fecistis »

( Mt 25, 40).

Cohortatio Christi ad vultum suum videndum in iis, qui hominum so-

cietate in infimorum numero habeantur, Paschali Uva, Dei Servo, facta

est institutum eius vitae. Hic enim ad numen divini Redemptoris, assiduis

precibus incitatus, impigra caritate operam dedit ut graves eorum casus

levaret, qui inviti dignam, et quae hominem deceret, vitam agere nequirent.

Hic Dei Servus in civitate Bisceglie prope Barium, in Apulia, die 10

mensis Augusti, anno 1883, locupleti colonum genere, secundo loco novem

liberorum, natus est. Qui biduo post baptismate sancto rite ablutus est;

sacro vero chrismate quartum aetatis annum agens inunctus est. Domestica

quidem consortio, non pietatis dumtaxat cultu sed in egentissimum quemque

industria ac sedulitate imbuta, plurimum valuit apud Paschalem infantem,

qui ceterum inde a puero cum molli animo tum ingenii acie eminuit.

Anno 1895, Servus Dei, studiorum excolendorum causa, ingressus est

seminarium dioecesis Vigiliensis, quod unum ibi maiorum disciplinarum

domicilium erat, indeque, anno 1897, in Beneventanum seminarium, ut in