Congregatio de Causis Sanctorum 777

ipse, caelesti dape, qua cotidie refici solebat, insignique religionis sensu con-

firmatus, impedimenta et recusationes animo tulit aequissimo. Qua quidem

sollicitudine pro dementibus Servus Dei impulsus est ut, labentibus annis,

aedificia Instituti Orthophrenici et valetudinarii psychiatrici, ad curandum

apta, aedibus adderet.

At pariter cum Congregatione Ancillarum creverunt etiam nosocomia

Domus a Divina Providentia. Die enim 22 mensis Iulii, anno 1945, Fodiae,

in Apulia, positus est auspicalis lapis aedium psychiatricae et orthophrenicae

curae; postea vero alia valetudinaria exstructa sunt, alterum Potentiae, in

Lucania, anno 1948, alterum Vidoniae, haud longe ab hac Urbe, anno 1953.

Interea Paschalis, qui iam inde ab anno 1952 imbecilliore valetudine erat,

urethrae glandulae cancro, per metastasin in spinam vulgato, cito gravius

aegrotavit. Itaque, extrema unctione illitus idemque Sancto Viatico refectus,

Sorores postremum hortatus, ut infirmos diligerent, beato fine quievit die 13

mensis Septembris, anno 1955. Die vero 16 eiusdem mensis, cum funus ei

fieret in Basilica Sancti Iosephi, quam ipse exstruendam curaverat, magnus

populi concursus documentum dedit quantum ille ab omnibus comploraretur,

quantamque admirationem virtutes excitarent, quae eius vitam, tenuiorum

usui impensam, illustraverant.

Eapropter, cum Dei Famulus sanctitatis opinione floreret, in Curia Tra-

nensi-Barolensi-Vigiliensi, a die 24 mensis Novembris, anno 1985, ad diem

25 mensis Maii, anno 1991, Inquisitio dioecesana est instructa; cuius vim

iuridicam haec Congregatio de Causis Sanctorum ratam habuit per Decretum

die 8 mensis Octobris, anno 1993, latum. Positione confecta, more tralati-

cio disceptatum est num Dei Famulus christianas virtutes, easque heroico

in gradu, exercuisset. Die autem 24 mensis Iunii, anno 2011, habitus est,

cunctis quidem suffragiis, Peculiaris, qui dicitur, Consultorum Theologorum

Congressus. Purpuratorum Patrum et Antistitum Sessio Ordinaria, quae

die 3 mensis Aprilis, hoc anno 2012, gesta est, cui praefui ego Angelus

Cardinalis Amato, audita relatione Em.mi ac Rev.mi Pauli Cardinalis Sardi,

Causae Ponentis, pronuntiavit hunc Dei Famulum theologales, cardinales

iisque adnexas virtutes, et eas quidem heroico in gradu, exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodier-

no die declaravit: Constare de virtutibus theologalibus Fide, Spe et Caritate