778 Acta Apostolicæ Sedis - Commentarium Officiale

tum in Deum tum in proximum, necnon de cardinalibus Prudentia, Iusti-

tia, Temperantia et Fortitudine, iisque adnexis, in gradu heroico, Servi Dei

Paschalis Uva, Sacerdotis Dioecesani et Fundatoris Congregationis Sororum

Ancillarum a Divina Providentia, in casu et ad effectum de quo agitur.

Mandavit autem Beatissimus Pater ut praesens decretum publici iuris

fieret et in acta Congregationis de Causis Sanctorum referretur.

Datum Romae, die 10 mensis Maii, anno Domini 2012.

angelus card. amaTo, s.d.B. Praefectus

L. G S.

G marcellus BarTolucci Archiep. tit. Mevaniensis, a Secretis

TARRACONENSIS

Beatificationis seu Declarationis Martyrii Servorum Dei Emmanuelis Borrás Ferré,

Episcopi Auxiliaris Tarraconensis, necnon Agapiti Modesti ex Instituto Fratrum

Scholarum Christianarum et CXLV Sociorum ( † 1936-1939)

DECRETUM SUPER MARTYRIO

« Si exprobramini in nomine Christi, beati, quoniam Spiritus gloriae et

Dei super vos requiescit; […] si autem ut christianus, non erubescat, glori-

ficet autem Deum in isto nomine » ( 1 Pt 4, 14. 16).

Vigesimi saeculi decade quarta, Hispaniam dira vastavit persecu tio politi-

ca contra religionem christianam, quae omnem publicum cultum praepedivit

et Ecclesiam ipsam hispanicam feris legibus facinoribusque adusque abolere

contendit. Haud raro, igitur, con ventus succensi sunt, ecclesiae et sacrae

imagines excussae, infa miae et calumniae delatae, presbyteri, religiosi et

christifideles laici enecati. Catalonia persecutione illa summopere vexata est,

quae a die 18 mensis Iulii anno 1936 protinus usque ad bellum patratum

im maniter desaeviit. Civile, enim, imperium in turbas cessit seditio sas, quae

Ecclesiae palam infensae et impunite grassantes sese prae sertim omnibus

religionis vestigiis auferendis attendebant.