792 Acta Apostolicæ Sedis - Commentarium Officiale

Consultorum Theologorum factus est, in quo prospero cum exitu disceptatum

est an Servorum Dei mors verum martyrium fuisse. Patres Cardinales et

Episcopi in Sessione Ordinaria die 5 mensis Iunii anno 2012 habita, cui ego-

met ipse, Angelus Cardinalis Amato praefui, audita relatione Excellentissimi

ac Reverendissimi Domini Lini Fumagalli, Episcopi Viterbiensis, Causae

Ponentis, agnoverunt supradictos Servos Dei ob fidelitatem erga Christum

et Ecclesiam confessam verum in odium fidei martyrium passos esse.

De hisce omnibus rebus, referente subscripto Cardinale Prae fecto, certior

factus, Summus Pontifex Benedictus XVI, vota Con gregationis de Causis

Sanctorum excipiens rataque habens, ho dierno die declaravit: Constare de

martyrio eiusque causa Ser vorum Dei Emmanuelis Borrás Ferré, Episcopi

Auxiliaris Tar ra conensis, necnon Agapiti Modesti (in saec.: Modesti Pamplona

Falguera) ex Instituto Fratrum Scholarum Christianarum, et CXLV Sociorum,

in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 28 mensis Iunii anno Domini 2012.

angelus card. amaTo, s.d.B. Praefectus

L. G S.

G marcellus BarTolucci Archiep. tit. Mevaniensis, a Secretis

ALBANENSIS IN AMERICA

Beatificationis et Canonizationis Servae Dei Mariae Angelinae Teresiae McCrory, Ordinis Carmelitarum, Fundatricis Congregationis Sororum Carmelitarum pro Senibus et Infirmis (1893-1984)

DECRETUM SUPER VIRTUTIBUS

« Iesus autem respondit ei: Quia primum omnium mandatum est: "Audi

Israel, Dominus Deus tuus, Deus unus est: et diliges Dominum Deum tuum

ex toto corde tuo, et ex tota anima tua, et ex tota mente tua, et ex tota