Congregatio de Causis Sanctorum 793

virtute tua". Hoc est primum mandatum. Secundum autem simile est illi:

"Diliges proximum tuum tamquam teipsum. Maius horum aliud mandatum

non est" » ( Mc 12, 29-31).

Serva Dei Maria Angelina Teresia McCrory mulier fuit diligens religio-

nis cultrix, singulari fide et vehementi caritate plena. Maxime in societa-

tis necessitates sedula, Evangelium etiam in adversis et hostilibus rebus

transfudit, reddens vitae humanae defensionis credibile testimonium. Soror

omnino Dei amore incensa et omni ex parte indulgentissima in egeniores,

in quibus semper Christi imaginem animadvertit.

Serva Dei nata est die 21 mensis Ianuarii anno 1893 in pago dicto

Mountjoy, in Hibernia, tenui ex familia sed Christiana firmissima fide ani-

mata, sacro in fonte Brigidae Teresiae nomen accepit. Anno 1901, gravibus

rebus familiaribus factis, familia McCrory sedem mutare debuit ad pagum

vulgo dictum Clysdate in Scotia. Illic puellula frequentare potuit scholas-

ticum institutum Elmwood Convent School, quod a sororibus Franciscanis

ab Immaculata Conceptione Beatae Virginis Mariae regebatur. Anno 1912,

post calamitosam eius patris mortem, iuvenis vehementissimum desiderium

totius suae vitae partem devovere ad aegrotorum et senum misericordem

curam significare voluit. Ergo rogavit ut admitteretur in Congregationem

Parvularum Sororum Pauperum Glasguae, institutum religiosum Gallica ori-

gine. Die 8 mensis Septembris anno 1913 vestem sacram sumpsit nomenque

Mariae Angelinae Sanctae Agathae accipiens. Anno 1915 in Bruclinum Novi

Eboraci Foederatarum Civitatum Americae Septentrionalis eam vocaverunt

ad suum ministerium explicandum iuxta Sancti Augustini senum domum,

in qua humili deditione et diligenti prudentia eminuit ita ut brevi tempore

consultrix antistitae fieret. Aprile anno 1925 Serva Dei professionem per-

petuam trium votorum et amplius quarti de hospitalitate quod proprium

erat Congregationis emisit. Mense Octobri anno 1926 coenobii antistita

nominata est domus dictae Our Lady's Home Novi Eboraci, in qua fere

ducenti et triginta senes amore et humanitate curabantur a duodeviginti

sororibus. Hoc perdurante officio, Soror Maria Angelina aliquas mutationes

proposuit, quae tamen non receptae sunt. Anno 1929 ob factas dissensiones

Serva Dei una cum aliis sex sororibus institutum relinquere statuit ut alibi

suum ministerium caritatis pergeret. Haec cruciata et dura electio consilio

et patrocinio Auctoritatis dioecesanae Ecclesiae deliberabatur, quae eius

propositum magis congruum necessitatibus loci putavit. Soror Maria Ange-