794 Acta Apostolicæ Sedis - Commentarium Officiale

lina a Sede Apostolica aptum indultum obtinuit et Congregationem Sororum Carmelitarum pro Senibus et Infirmis, institutum consociatum cum Ordine B. Mariae de Monte Carmelo fundavit. Magna oeconomica depressio, quae illo tempore Confoederatas Civitates Americae Septentrionalis vexavit et hominum milia et milia in miseriam et paupertatem reduxit, Servae Dei ardentem fervorem non retinuit, sed etiam occasionem praebuit ad ap- tiorem operam auxilii lationis instituendam, quae illis annis urgentissima videbatur. Hac re, brevi tempore, plures domus hospitales apertae sunt et novum institutum valde emendaret consuetudines quae olim valebant in senibus curandis, senectus enim non tantum medice et psychologice sed etiam secundum vinculum societatis et spiritualiter assidebatur. Soror Ma- ria Angelina, praeter domuum administrationem, magnopere, constitutioni formae novae Congregationis praefuit.

Illa enim nunquam humanum et spirituale incrementum suarum sororum neglexit, sed semper eas in unitate servavit tam in contemplatione quam in actione. Novae Congregationis aliquoties antistita fuit sed anno 1978, infirma valetudine, noluit se antistitam rursus eligi, etsi Fundatrix et Mater Antistita emerita ab omnibus agnoscebatur. Eius iter spirituale a mirabili splendore expressum est. Mulier fuit inconcussae spei, magnae humilitatis, singularis claritatis in intentionibus et actionibus. Orationis valentissima vita eius generosum ministerium sustentabat et cotidiana consilia moderabat. Extremis in annis, corporis doloris et infirmitatis cognoscentia, quae ab ea tranquillitate animae et sine questu accepta est, eam ad mysterium Crucis magis vinxit. Immobilitate astricta, in manus Domini fidenter se dedit. Pie domi Germanopolis Novi Eboraci, die 21 mensis Ianuarii anno 1984, animam exhalavit.

Fama sanctitatis, a die 15 mensis Augusti anno 1994 ad diem 13 mensis Aprilis anno 2007, iuxta Curiam dioecesanam Albanensem in America In- quisitio dioecesana habita est, cuius iuridica validitas per Decretum diei 27 mensis Iunii 2008 ab hac Congregatione de Causis Sanctorum est approbata. Exarata Positione, secundum normas canonicas disceptatum est an Serva Dei heroicum in modum virtutes excoluisset. De hac re die 4 mensis Martii anno 2011 Peculiaris Congressus Consultorum Theologorum habitus est. Patres Cardinales et Episcopi in Sessione Ordinaria congregati, me Card. Angelo Amato praesidente, die 17 mensis Aprilis anno 2012, audita relatione Exc. mi Ponentis Causae Domini Marcelli Semeraro, Episcopi Albanensis, agno- verunt Servam Dei virtutes theologales, cardinales et annexas excoluisse.