PISANA 145

Acta, Tom. XXVI. fase. CGCIII. 10

videtur, si parumper attendantur quae Superiorissa exhibet in suo recursu. Nam decem abhinc annis deputatus ad au- diendas confessiones trium Religiosarum, quae elatae, difficiles et tenaces in sua voluntate erant, ita dominatae eaedem sunt in animo confessarii, ut cum eisdem ipse divideret iniustas opiniones quoad gubernium communitatis. Hinc Confessarius ordinarius discrimen praesentiens, quod ex tali regimine ob- venire posset tribus religiosis, censuit prudens esse certiorem reddere Vicarium generalem illius temporis, qui coegit con- fessarium trium poenitentium nuncium mittere huic officio. Monasterium tunc dereliquit, sed nunc quum ipse sit Vica- rius generalis, regimen illarum resumendo, sese habet erga Salesianarum Institutum iuxta impressionem, quam recepit et recipit ab earumdem informationibus.

Anno 1888, prosequitur, Religiosae scientes Bascherini, ex tunc Vicarium generalem , haud praeditum esse qualita- tibus, quae bonum constituunt patrem spiritualem, elegerunt ad hoc officium Canonicum Casarosa; quod eidem Vicario generali displicuit, et effecit ut magis in dies ille adversa- retur religiosam Communitatem.

Et re quidem vera huius adversionis specimen dedit, op- positionem faciendo ne Religiosae obtinerent Patrem Baldi uti ordinarium confessarium, et suadendo per secretam au- scultationem Religiosis, ut conservarent confessarium, alias ab eodem habitum uti ineptum ad hoc officium. Tandem refert Superiorissa, Vicarium generalem studuisse et adhuc studere ut religiosae , quas pinxit uti rebelles auctoritati, amitterent gratiam et protectionem amatissimi Antistitis, qui earumdem fuerat gloria et consolatio dum expulsionis a Mo- nasterio paterentur aerumnas.

Ex dictis ergo consequitur, Vicarium generalem qualita- tibus destitui requisitis pro directore spirituali et confessario, ideoque removendum esse ab audiendis confessionibus cuius- cumque religiosae, et ab officio confessarii ordinarii, et ex- traordinarii ; eo quod Constitutio XX statuit , confessarium