Congregatio de Causis Sanctorum 797

Sororum a Trinitate et abbatissa Clarissarum. In custodia, licet timorem haberent ne indignos subirent abusus, religiosae spem numquam deposue- runt, plurimum oraverunt atque ad invicem sustinuerunt sese animantes ad mortem pro Christo obeundam. Die 12 mensis Ianuarii anno 1937, simul ac viri quinquaginta circiter, quos inter nonnulli sacerdotes, conductae sunt in vicinum coemeterium Las Casillas. Ibidem, summo mane diei 13 Ianuarii, postquam omnium ultimo supplicio adfuerat, Serva Dei, ad supremum sa- crificium prompta, ipsa ferociter est cruciata atque crudeliter manuballistae igniferae ictibus occisa. Corpora usque ad sequentem diem deseruntur: usque dum auctoritates loci Martos, eo quod plebs de hoc horrendo spectaculo inhorrescebat, iusserunt corpora in quadam fossa communi in coemeterio ipso excavata sepeliri, ubi usque ad finem belli civilis manserunt.

Servae Dei mors statim a populo martyrium pro fide est habita. Quam- obrem, nonnullos post annos, apud Curiam ecclesiasticam Giennensem In- quisitio dioecesana, a die 14 mensis Ianuarii anno1996 ad diem 15 mensis Novembris anno 1997, est ordinata, cuius iuridicam validitatem die 5 mensis Februarii anno 1999 Congregatio de Causis Sanctorum Decreto recognovit. Positivo cum exitu, die 22 mensis Iunii anno 2010, Congressus habitus est Peculiaris Consultorum Theologorum. Patres Cardinales et Episcopi in Ses- sione Ordinaria die 8 mensis Maii anno 2012, me Angelo Cardinale Amato moderante, agnoverunt Servam Dei martyrium in odium fidei sustinuisse.

De hisce omnibus rebus, me referente et subscripto Cardinale Praefec- to, certior factus, Summus Pontifex Benedictus XVI, vota Congregationis de Causis Sanctorum excipiens rataque habens, hodierno die declaravit: Constare de martyrìo eiusque causa Servae Dei Victoriae a Iesu (in saec.:

Franciscae Agnetis Mariae ab Antiqua Valverde González), Religiosae Pii

Instituti Calasanctiani Filiarum, v.d. « de la Divina Pastora », in casu et ad

effectum de quo agitur. Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 28 mensis Iunii anno Domini 2012.

angelus Card. amaTo, s.d.B. Praefectus

L. G S.

G marcellus BarTolucci Archiep. tit. Mevaniensis, a Secretis