Congregatio de Causis Sanctorum 799

pressurae musculorum, status ignaviae et dolores advertebantur. Gravitas prospectus clinici exacuit quoque cum morbo epileptico, agitatione psy- chomotoria et manducandi difficultate, usque ad veternosum statum asse- quendum.

Ob talem condicionem absolute incommodam quae minime sustineri vi- debatur, quaedam matris pueri amica locuta est de hac gravi condicione cum quibusdam sororibus, spiritalibus filiabus Venerabilis Servae Dei. Tunc religiosa communitas assidue a Domino imploravit sanationem pueri per intercessionem Venerabilis Fundatricis. Inopinate, nocte inter dies 28 et 29 mensis Octobris anno 2000, optima apparuit condicio valetudinis parvi infirmi; quem eventum quidam appellaverunt « mirificum » atque processus pathologicus nullum reliquit residuum. Paucos post dies, puer infirmus va- letudinarium relinquere potuit omnino sanatus.

Congruens visus est nexus inter invocationem ad Venerabilem Servam Dei et pueri sanationem, qui nunc optima fruitur valetudine atque aptus est ad normalem vitam affectuum gerendam.

De hoc casu miro considerato, acta est a die 5 mensis Septembris anno 2003 ad diem 9 mensis Ianuarii anno 2004, apud Curiam ecclesiasticam Cracoviensem, Inquisitio dioecesana, cuius iuridica validitas ab hac Congre- gatione per Decretum diei 4 mensis Iulii anni 2008 est approbata. Consilium Medicorum huius Dicasterii in Sessione die 31 mensis Maii anno 2012 agnovit sanationem celerem, perfectam, constantem et ex scientiae legibus nostrae aetatis inexplicabilem fuisse. Die 6 mensis Octobris anno 2012 Congressus Peculiaris Consultorum Theologorum habitus est cum exitu positivo. Die 10 mensis Decembris anno 2012 Sessio Ordinaria Patrum Cardinalium et Episcoporum acta est, me, Angelo Cardinale Amato, moderante.

Et in utroque Coetu, sive Consultorum sive Cardinalium et Episcoporum, posito dubio an de miraculo divinitus patrato constaret, responsum affir- mativum prolatum est.

Facta demum de hisce omnibus rebus Summo Pontifici Benedicto XVI per subscriptum Cardinalem Praefectum accurata relatione, Sanctitas Sua vota Congregationis de Causis Sanctorum excipiens rataque habens, hodier- no die declaravit: Constare de miraculo a Deo patrato per intercessionem Ven. Servae Dei Sophiae Czeska-Maciejowska, Fundatricis Congregationis Vir-

ginum a Praesentatione Beatae Mariae Virginis, videlicet de celeri, perfecta

ac constanti sanatione cuiusdam pueri a « meningoencefalite acuta grave da

Mycoplasma Pneumoniae ».