LUCIONEN. 149

inconvenientia exorta ex facto, quod Superiores Generales Con- gregationis Marianae, pariter fundatae a B. Ludovico Grignon praetendunt huiusmodi munus exercere etiam quoad Insti- tutum filiarum Sapientiae, easque dirigendi independenter ab Ordinario, earum Capitula convocandi, praesidendi et invigi- landi earum disciplinae et administrationi. Hinc quaerebat : I o utrum Superior Generalis Congregationis Marianae reti- neri possit etiam ut Superior Generalis dictarum sororum : 2° utrum harum institutum considerari possit ceu exemptum a iurisdictione Ordinarii : 3° utrum Episcopus Lucionensis, saltem ut Delegatus S. Congregationis possit convocare earum Capitulum eique praesidere. Cuius ultimi quaesiti resolutio- nem urgebat, eo quia imminebant electiones generales ante festum Pentecostes an. 1890.

Sacra Congregatio rescripsit Io ut Capitulum hac vice dif- ferretur ad nutum S. Sedis, mandans insimul ut illae sorores quae nunc Institutum regunt, ad beneplacitum S. Sedis illud regere pergant; 2° ut ad S. Congregationem pro approbatione transmitterentur Constitutiones actuales Instituti, una cum relatione super statu disciplinari et oeconomico et super no- vitiatu eiusdem, dependenter tamen ab Episcopo Lucionensi seu cum ipsius approbatione.

Sorores de la Sagesse, quibus enunciatum Rescriptum fue- rat, per Episcopum Lucionensem transmissum, per Generalem Superiorissam ad S. Congregationem deductionibus et expetitis documentis transmissis, postularunt 1° ut antequam vigentes earum Constitutiones ad trutinam revocarentur, quaestio de Superiore Generali resolveretur ; 2° ut hic Superior non esset nisi Superior Generalis Societatis Marianae. Consultor S. Con- gregationis, cui deductiones ablegatae sunt in suo voto, ad- mittit primam petitionis partem, attamen impugnat totis viribus secundam de Superiore Generali : idem sensit Episco- pus Lucionensis in suis Uteris ad S. Congregationem sub die 29 Ianuarii currentis anni. Interim Sorores de la Sagesse obtulerunt S. Congregationi nonnullos articulos circa practi- cam rationem conciliandi potestatem Superioris Generalis