800 Acta Apostolicæ Sedis - Commentarium Officiale

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 20 mensis Decembris anno Domini 2012.

angelus Card. amaTo, s.d.B. Praefectus

L. G S.

G marcellus BarTolucci Archiep. tit. Mevaniensis, a Secretis

CRACOVIENSIS

Beatificationis et Canonizationis Ven. Servae Dei Margaritae Luciae Szewczyk,

Fundatricis Congregationis Filiarum Beatae Virginis Mariae Perdolentis v.d. « Se-

rafitki » (1828-1905)

DECRETUM SUPER MIRACULO

Venerabilis Serva Dei Margarita Lucia Szewczyk anno 1828 est nata in

loco vulgo Szepetówka regionis Volhiniae, hodie in Ucraina, in terra videlicet

quae, tunc Polonica, Imperio Russiae subiciebatur. Parentibus orbata dum

adhuc infans esset, a germana sorore curam accepit. Adhuc iuvenis Tertio

Ordini Franciscali nomen dedit atque privata vota religiosa nuncupavit.

Vestigia sequens sancti Francisci Assisiensis, magna in paupertate vixit,

indigentiores adiuvans et infirmos. Circa annum 1880 in oppido Zakroczym

prope Varsaviam convenit beatum capuccinum Honoratum Koźmiński eius- que spiritali se concredidit moderamini. Ab ilio tempore in domicilio meri-

torio mulieres aetate provectas tam pauperes quam aegrotantes congregare

coepit, de quibus magnam adhibuit sollicitudinem. Neglectis difficultatibus ex

Russorum regimine factis adversus catholicos, eius exemplum aliae puellae

statim sequi incohaverunt, quibuscum originem dedit novae Congregationi,

quae postea appellata est « Congregatio Filiarum Beatae Virginis Mariae

Perdolentis ». In Osvencinum deinde se contulit, Cracoviensi in dioecesi, ubi

Domum condidit pro formatione novitiarum Instituti, quod interim cresce-

bat et vires insumebat parvulis in orphanotrophiis et in scholis pueritiae