Congregatio de Causis Sanctorum 801

curandis atque scholis popularibus gerendis. Postremum vitae tempus vixit

in Nieszawa (in Poloniae regione Cuiaviae-Pomeraniae), ubi die 5 mensis

Iunii anno 1905 pie in Domino obdormivit. Summus Pontifex Benedictus

XVI eius heroicas die 19 mensis Decembris anno 2011 approbavit virtutes.

Postulatio Causae, beatificationi prospiciens Venerabilis Servae Dei, exa-

mini huius Congregationis de Causis Sanctorum coniectam miram subiecit

sanationem sororis Vitae Elisabethae Chamielec, religiosae Instituti ab ipsa

Venerabili Serva Dei conditi, quae in loco vulgo Bystra Śląska mense Maio anno 1975 evenit. Soror Vita iam a quibusdam annis pleuritide pulmonali

correpta erat quae frequentes status febris afferebat ei. Absentibus therapiis

validis et efficacibus, aegrota licet quaedam tempora haberet sublevationis,

summam patiebatur debilitatem, dum eius corporis immunitas minuebat et

morbi signa perstabant. Condicio pathologica gravissima evasit cum quae-

dam aspergillosis forma orta est, ob quam infirma in sanatorium est excepta

atque duas sectiones chirurgicas in thorace subiit; status tamen valetudinis

non mutabat: febris non placabatur; immo quaedam prosequebatur molesta

suppuratio.

Hac stante condicione quae semper in peius ruebat, soror Vita, maxime

ab inito mense Maio anno 1975, novendiales supplicationes effundere coepit

ad intercessionem invocandam Venerabilis Fundatricis, donum rogans sa-

nationis ab illa infirmitate quae iam ab annis perdurabat; quasdam etiam

hortata est Consorores ut insimul orarent. Paucis post diebus in itinere

clinico inexplicabilis mutatio evenit, febris enim statim cessavit atque re-

siduum purulentum evanuit.

Evidens fuit temporis nexus inter fiduciosam invocationem, quam in-

firma una cum Consororibus ad Venerabilem Servam Dei converterat, et

sanationem sororis Vitae, quae deinde optimam obtinuit corporis animique

valetudinem et consuetam vitam affectuum et laboris gerere potuit.

De hoc mirabili casu acta est a die 24 mensis Februarii anno 1995 ad

diem 15 mensis Martii anno 1996, apud Curiam ecclesiasticam Cracovien-

sem, Inquisitio dioecesana, cuius iuridica validitas ab hac Congregatione

per Decretum diei 22 mensis Ianuarii anno 1999 approbata est. Consilium

Medicorum huius Dicasterii, in Sessione die 23 mensis Februarii anno 2012

habita, agnovit sanationem celerem, perfectam, constantem et ex scientiae

legibus nostrae aetatis inexplicabilem fuisse. Die 7 mensis Iulii anno 2012

Congressus Peculiaris Consultorum Theologorum habitus est cum exitu po-