804 Acta Apostolicæ Sedis - Commentarium Officiale

In Alma Urbe, mense Februario anni 1910, Sanctum Aloisium Orione convenit, Parvi Operis a Divina Providentia fundatorem, qui eum in novam Congregationem concedere suasit, et in Orioninae, uti dicitur, familiae con- versatione vitae suae consilia et proposita plene consummavit. Anno 1912, vota temporanea emisit et, varias per sedes Italiae interiecto tempore, a fundatore Valentiam missus est, ut primam in Hispania aperiret domum. Quos aptos invenerat locos, eosdem ordinavit, ut omnibus pauperibus ae- grotisque receptaculum praeberent, ac simul ministerium presbyterale per paenitentiam et magna sacrificia exemplari sollicitudine exercuit. His in adiunctis, anno 1931, iuvenem postulantem Antonium Arrué Peiró accepit, qui validus eius administer factus erat.

Antonium Arrué Peiró in civitate Bilbili prope Caesaraugustam in His- pania die 27 mensis Aprilis anno 1908 e modesta familia natus est. Scholam aliquot annos frequentavit, dum a patre ligni scalptoris discebat artem. Matris sororisque affectu propediem orbatus, anno 1926 paterno etiam visu privatus est. Quae funera una et propinquorum destitutio et patria e tellure discessus, cum Caesaraugustam ei fuit migrandum, eum animi defectione aliquamdiu affecerunt: Antonius immo in valetudinario pro animi morbis curandis receptus est, e quo bis effugit, sicuti confisus tamen erat patruo: « Insanus non sum, nolo illuc consistere: iterum effugiam ac procul divertam et missionarius fiam ».

Anno 1931, dum vicesimum quartum agebat aetatis annum, Patrem Ri- chardum oppetiit, qui eum in Valentina domo recepit. Quem vero sive ad ecclesiam Beatae Mariae Virginis Dominae Nostrae Desertorum sive ad receptaculum phthisi correptorum comitabatur, quod nemo alius de sacer- dotibus ad celebrandam Missam accedere quaerebat. Aspera erat vero et austera conversatio, caritate autem dives. Decurrentibus mensibus, Antonius patentius qui vere esset ostendere coepit: non scilicet confusus et perturba- tus iuvenis, sed operis navus et breviloquens faber. Congregationem Parvi Operis a Domino Aloisio Orione fundatam ingredi cupiebat, sed placitum suum propter rei publicae turbida, quae interdum exorta erant et magis in illos dies recrudescebant, nullomodo perficere valuit. Antonius ergo in novi- tiatu quodam domestico pietatis vita et caritate erga proximum summopere insignito perseveravit atque in catervis pauperum moliebatur adiuvandis, quae ad eum fidenter concurrebant.

Servorum Dei martyrium ad hanc persecutionis contra Ecclesiam ca-

tholicam ubique in Hispania tunc ingravescentis pertinet tempestatem. A