Ì54 LUGIONEN.

floreat observantia, et periculum relaxationis regulae'arceatur. Sed idem effectus nonne obtineri potest unitate regiminis Superiorissae Generalis ? quoad utilitatem in ordine materiali, Consultor negat eam haberi posse ex actione Superioris Ge- neralis, qui residet in abdita Galliae parte, dum institutum filiarum de la Sagesse etiam in remotissimis extat regionibus. Quoad damna et inconvenientia, quae Moniales dicunt pro- fectum ex immutatione in generali. Instituti directione , Con- sultor reponit quod unitati regiminis consulitur per Supe- riorissam Generalem : haec cum Consilio Generali suarum sororum disponet quicquid melius ad rectam Congregationis disciplinam et regimen conducet. Quo vero ad meliorem di- rectionem conscientiae habendam per pp. Missionarios Con- gregationis Marianae, observat Consultor, nihil prohibere quominus hi vocentur a Superiorissa Generali in spiritualibus exercitiis seu ut Concionatores seu ut Confessarii, sicuti in praesentiarum nil prohibet quominus hi sumantur e Clero saeculari respectivarum dioecesum. Tertio demum quoad timo- rem scandali a Monialibus oggestum, Consultor putat hoc esse phantasiae deliramentum : siquidem non agitur de totali separatione communicationis inter utramque Congregationem sed solummodo de non approbanda forma regiminis, quae praeterquam quod poneret unam Congregationem sub de- pendentia alterius, contrairet ss. canonum dispositionibus. Ex alia parte vero ad S. Congregationem spectat ita negotium prudenter dirigere, ut etiam umbra scandali arceatur. Quare concludit Consultor, documenta et deductiones Monialium in nullo pretio habendas esse etiamsi necessaria authenticitate seu Episcopi Lucionensis approbatione praeditae forent, quae tamen in facto deest.

Sed sepositis hucusque dictis, pergit Consultor, theoria de unicitate Superioris Generalis in utraque Congregatione ne- dum opponitur canonici iuris disciplinae, sed est fomes litium et discordiarum, tum quoad internum Instituti regimen, tum exterius quoad iurisdictionem Ordinariorum. Nec iuvat cum Monialibus opponere quod per fere duo saecula haec incon-