Congregatio de Causis Sanctorum 805

seditiosis armigeris obstrictius servati asseclarum opinionum, quae omnem

singulorum proprietatem maxime denegabant et summam rei publicae licen-

tiam fovebant, die 1 mensis Augusti anno 1936, religiosi duo e Congrega-

tione Parvi Operis a Divina Providentia omnes contra recusationes populi,

qui eos magni aestimabat, commenticio pyrobola obtecta habere crimine

accusati apprehensi sunt. In illo tempore vero Antonius apud vicinia erat,

ut aquam hauriret, sed cum Patrem Richardum in discrimine audisset, omni

latibuli vel fugae repudiata exhortatione, domum recurrit, ut quemadmo-

dum se haberet religiosus ille, qui magnopere ipsi subvenerat, ipse senti-

ret. Utrumque seditiosi armigeri vehiculo arripuerunt et in locum El Saler

vulgo nuncupatum duxerunt, qui litus est prope Valentiam, et hymnos ab

iisdem pro Motu Internationali Licentiae Reipublicae Provehendae cantare

quaesiverunt, si vitam servare vellent. Pater Richardus, crucifixo sublato,

clamavit: « Vivat Christus Rex! », ac plumbis ad occipitium illatis statim in-

terfectus est. Antonio confestim decurrente, ut eidem, dum humi moriens

proruebat, subveniret, miles quidam eum adversum perrexit et pyroballistae

calce adeo vehementer vulneravit, ut cranium eius letaliter quassaret. Dies

erat 3 mensis Augusti anno 1936.

Super horum Servorum Dei caedem pro vero martyrio a quocumque

eos cognosceret habitam apud Curiam Archiepiscopalem Valentinam, in-

ter annos 1962 et 1972, Processus Informativus actus est, quem Inquisitio

dioecesana Suppletiva die 26 mensis Februarii anno 1999 apud eandem

Curiam inita secuta est, quorum auctoritas et vis iuridica a Congregatone

de Causis Sanctorum Decreto diei 19 mensis Novembris anno 1999 probatae

sunt. Positione confecta, iuxta suetum morem, die 28 mensis Septembris

anno 2010, Congressus Peculiaris Consultorum Theologorum factus est, in

quo prospero cum exitu disceptatum est an Servorum Dei mors verum

martyrium fuisse. Patres Cardinales et Episcopi in Sessione Ordinaria die

29 mensis Octobris anno 2012 habita, cui egomet ipse Angelus Cardinalis

Amato praefui, agnoverunt supradictos Servos Dei ob fidelitatem erga Chris-

tum et Ecclesiam confessam verum in odium fìdei martyrium passos esse.

De hisce omnibus rebus, referente subscripto Cardinale Praefecto, certior

factus, Summus Pontifex Benedictus XVI, vota Congregationis de Causis

Sanctorum excipiens rataque habens, hodierno die declaravit Constare de

martyrio eiusque causa Servorum Dei Richardi Gil Barcelón, presbyteri, et