LUCIONEN. 155

venientia abfuerunt, siquidem Consultor innixus testimonio Episcopi actualis Lucionensis respondet quod paulo post an. 1853 quo ex decreto Sacrae Congregationis praxis de Su- periore Generali quodammodo permissa seu tolerata fuerat, haec lites ita excitavit cum Ordinario Lucionensi tunc tem- poris, ut Superior Generalis coactus fuerit dimittere duplex officium seu munus : deinde quicquid sit de experientia etiam in hac re favorabili, certum esse ait Consultor quod accidit in puncto non accidit in anno; proindeque principium de duplici superioritate esse reiiciendum. Demum Consultor sin- gillatim et pluribus confutat articulos practicos a Monia- libus propositos ad conciliandam auctoritatem Superioris Ge- neralis cum iurisdictione Ordinariorum, in quorum dioecesibus domus Instituti inveniuntur.

His utrimque discussis, S. Congregationi proposita fuerunt enodanda sequentia

Dubia

I. An et quomodo Filiabus de la Sagesse conservari de- beat Superior Generalis cum iurisdictione super universa Congregatione in casu.

IL An ad hoc munus sit deputandos Superior Generalis Patrum Societatis Marianae electus iuxta regulas huius In- stituti in casu.

R E S O L U T I O . Sacra Congregatio Episc, et Regul. re ma- turo subiecta examini, die 2 Iunii 1893 proposita dubia di- mittere censuit sequenti responso.

Salva in omnibus manente, iuxta canonicas sanctiones, auctoritate et iurisdictione Ordinariorum super singulis do- mibus Filiarum de la Sagesse et salva potestate Superiorissae Generalis, nihil immutandum quoad facultatem Superiori Generali Societatis Mariae tributam praesidendi Capitulum Generale dictarum sororum, invigilandi et promovendi in singulis domibus Constitutionum observantiam, et sub de- bita Ordinariorum dependentia ponendi eos actus, qui ad Congregationis bonum et incrementum conducere possunt.