Congregatio de Causis Sanctorum 807

sive prò sacerdotibus domicilia adnexa sunt. Pastoralibus muneribus pro

animae corporisque crebri gregis eius curis commissi bono indesinenter

expletis, officium parochi anno 1908 propter lepram, quam de contagio

contraxerat, ei fuit concedendum, sed immutato fervore missionem suam

nihilominus perrexit. Die 26 mensis Ianuarii anno 1914, in civitate Villa

Transitus prope Cordubam occubuit. Summus Pontifex Ioannes Paulus II

die 19 mensis Aprilis anno 2004 eum virtutes theologales, cardinales iisque

adnexas in modum heroum coluisse decrevit.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram Venerabilis Servi Dei Iosephi

Gabrielis a Rosario Brochero intercessioni tributam sanationem cuiusdam

parvuli, qui, die 28 mensis Septembris anno 2000, undecim tantum men-

ses natus, calamitatem vehiculariam passus est. Puer enim, in matris sinu

amplexus, nulla autem salutis cinctura contentus, vehementi cerebri ictu

vulneratus est, quem pulsus cordis et respirationis cessatio excepit bina.

Puer itaque in valetudinarium advectus est, ut chirurgicae sectioni perins-

tanter committeretur, quam vero cordis pulsus anhelitusque nova praecedit

interstitio. Aliae secutae sunt sectiones, post quas autem parvus infirmus

e valetudinario dimissus est, medicorum sententia omnino dicta infausta

quoad salutem.

Tantis in difficilibus adiunctis, parentes et proximi pueri ad divinum con-

fugere statuerunt, ut per Venerabilis Servi Dei Iosephi Gabrielis a Rosario

Brochero intercessionem valetudinis infirmuli a Domino impetrarent sana-

tionem: hic vividam devotionem semper coluerant erga Curatorem illum - uti

dicebatur - Brochero, cuius pueri proavi adiutores fuerant. Consequentibus

autem diebus, condiciones clinicae generales pueri palam ita profecerunt,

ut clinicae perscrutationes, quae etiam insequentibus annis peractae sunt,

refectam pueri valetudinem omnino recognoscerent.

Continuatio temporis clarissime patuit, sicut et nexus inter invocationem

Venerabilis Servi Dei et sanationem pueri, qui exinde optima gavisus est

valetudine normalesque vitae consuetudines gerit.

De hac mira habita sanatione apud Tribunal Curiae Archiepiscopalis

Cordubensis in Argentina a die 26 mensis Februarii ad diem 7 mensis Aprilis

anno 2009 Inquisitio dioecesana acta est, cuius auctoritas et vis iuridica a

Congregatione de Causis Sanctorum Decreto diei 7 mensis Maii anno 2010

probatae sunt. Acta dein collecta examini et iudicio Dicasterii Medicorum