ORANEN. 159

Adiecit etiam ita veritate niti quod proprietas Asyli sit penes Catà, ut nemo unquam id in dubium revocaverit, ne- que ipsa Curia episcopalis, quae numquam obmussitavit. Rite ergo Emus Archiepiscopus Toletanus, et Episcopus Matriti censuerunt, presbyterum Catà esse proprietatum Asyli, quia domus haec non spectat ad ecclesiastica bona, sed esse opus pium laicum et profanum. Et ideo mirum non esse, quod laicum tribunal Orani hisce innixus documentis sententia- verit, proprietatem Asyli esse apud presbyterum Catà.

Neque oggeri iuvat, ait defensor, quod vis pecuniae ad- hibita in aedificationem Asyli non pertinuit ad presbyterum Catà, sed ad fideles ; et ideo Asylum minime dicendum esse ad eumdem Catà pertinere, sed ad fideles ipsos aut ad Ec- clesiam. Nam I o . recte dici non potest, pecuniam praedictam ad eum non pertinuisse, sed ad fideles ; quoniam vere pars illius pecuniae ad ipsum pertinuit, maior pars ad eius pa- rentes, ceu admittunt idem Ordinarius, et reliqui fideles. 2°. Quia dato et non concesso quod dicta pecunia rertinuit tota ad fideles, non ideo descendit consequentia legitima quod Asylum non pertinuit ad presbyterum Catà: scitum est enim in iure, fundum aut possessionem nomine unius emptam, etsi cum pecunia aliena, fieri omnino proprietatem illius, cuius nomine emptum fuit, si ipsi regulariter tradita fuit, sicut in casu. I. i. Codicis, tit. Si quis alteri vel sibi sub alterius nomine, vel aliena pecunia emerit - ibi: « Si pe- cunia patris fundus, mancipiaque comparata sunt, tamen cum emptiones matris tuae nomine factas esse proponas, ignorare non debes traditione matrem tuam dominam esse constitutam ». Huic consonat lex 2 et 8 eiusdem tituli, et 6 Codicis tit. De rei vindicatione (ibi) « Si ex ea pecunia, quam d e pos u er a t is apud quem collocata fuerat, sibi pos- sessiones comparami, ipsique traditae sunt, tibi vel omnes tradi, vel quasdam ex his compensationis causa ab invito eo in te transferri iniuriosum est ».

Neque subsumere iuvat quod pecunia haec collata fuit a fidelibus, et ideo Asylum factum fuisse proprietatem sacram.