162 ORA.NEN.

que administratio Asyli pertinet ad presbyterum Catà: in secundo asserit substineri non posse expulsionem filiarum, s. Teresiae ab Asylo, et presbyterum easdem expeliendo in- currisse in censuras ecclesiasticas ; in tertio studet evincere, presbyterum Catà teneri ad expellendas ab Asylo sorores Africanistas ; in quarto tandem responsum praebet rationibus et deductionibus adversae partis.

Et imprimis ut evincat proprietatem Asyli non esse apud Catà monet, istum debuisse, ut Asylum construeret, auxilia a fidelibus etiam Hispaniae exposcere, et capsam in Ecclesia ponere paroeciali ad colligendas eleemosynas; idque fecisse auctoritate Episcopi suffultum, complurimasque oblationes collegisse. Hisce positis, sequitur quod bona Asyli, vi legum Ecclesiae ad Ecclesiam pertinent, et destinantur favore ope- rae piae sub tutela et auctoritate Episcopi. Concil. Trid. cap. 8 Sess. 22 de ref. « Episcopi tamquam Sedis Aposto- licae delegati, in casibus a iure conceptis, omnium piarum dispositionum, tam in ultima voluntate, quam inter vivos sint executores; habeant ius visitandi hospitalia, collegia quaecumque, ac confraternitates laicorum, etiam quas scho- las sive quocumque alio nomine vocant... eleemosynas mon- tis pietatis, sive charitatis, et pia loca, quomodocumque nun- cupentur... ac omnia quae ad Dei cultum aut animarum salutem, seu pauperes substentandos instituta sunt, ipsi ex officio suo iuxta sacrorum canonum statuta cognoscant et sequantur ».

Praeter autem iuris dispositiones, censet defensor, opus Catà habendum esse bonum ecclesiasticum, etiam quia eccle- siastica auctoritate constitutum fuit. Et re quidem vera au- ctoritate Episcopi capsa posita est in Ecclesia paroeciali, ubi Vicarius erat Catà, et de eadem episcopali auctoritate elee- mosynae collectae fuerunt apud Orani, et Hispaniarum fi- deles, favore operis ab Episcopo approbati; cui approbationi innixi fideles securius agebant. Neque opus est speciali Epi- scopi decreto, ut contraria pars occentat, ad efficiendum de Asylo bonum ecclesiasticum ; quia in hoc casu agitur minime