ROMANA 173

Praeterea commemorare praestat in Adnot. 43, ad vol. I. Reiffenstuel edit. Parisien, anni 1864 legi nonnulla verba deprompta ex epistola ab Emo S. C. C. Praefecto die 14 Iulii 1858 ad Emum Card. Gousset conscripta huiusce te- noris: « Capitula cathedralia unum dumtaxat Vicarium ca- pitularem, non autem duos vel plures deputare debere, quem- admodum de Vicariis generalibus agere licitum est. » Quae postrema verba controversiam dirimerent, si omnibus locis referenda essent, et non unice praxim in Gallia vigentem respicerent, ceu ex dignitate, quam Emus Gousset in Gallia obtinebat forsan arguendum videretur. Etenim notum est, in ultramontanis regionibus, et praesertim in Gallia , duos Vicarios generales plerumque constitui ab Episcopis, hancque agendi rationem a suprema auctoritate nedum haud repro- bari sed quodammodo approbari. Nam refert Santi loc. cit. « quod Romae expediuntur litterae apostolicae - Episcopo et Vicariis eiusdem in spiritualibus constitutis. - »

Verumtamen nescio an aliquando hi Vicarii generales, qui in Gallia aliisque regionibus simul ab Episcopis depu- tari solent vere aeque principales sint. Siquidem generatim unius ex Vicariis auctoritas versatur in iis quae sunt vo- luntariae iurisdictionis, alterius vero, qui et officialis dici- tur, in actibus iurisdictionis contentiosae et negotiis foren- sibus. Id , ceteris missis, refert Devoti Inst. can. tom. I, tit. 3, sect. 9, qui ante adnotaverat : « In Italia unus con- stitui solet Vicarius , cui committitur administratio rerum spiritualium et simul contentiosa iurisdictio. »

Denique animadvertendum est, in praxi, iuxta plurium sententiam, rem de qua agimus praecipue definiendam esse attenta consuetudine. « Hodie solet iia a iuristis solvi haec quaestio, scilicet : ubi consuetudo iam viget, ius patitur ut plures Vicarii in solidum constituantur; at ubi haec con- suetudo non e s t , non permittitur introduci. » De Angelis Prael. lib. I, tit. 28, n. 9. Atque in hanc opinionem et S. C. C. descendisse censet Ferraris loc. cit.: « Ampliatur praedicta conclusio, ut possit Episcopus constituere plures