176 AUXIMANA

clesiae approbatio, quae iudicio suo cognoscat de qualitate regulae propositae. Verum in sua citata Constitutione Pon- tifex nullimode loquitur de votis a membris Congregationis Oratorii amittendis, neque de ipsorum in Congregatione sta- bilitate, neque demum de eiusdem Congregationis regularum examine vel approbatione. Sed solummodo iuxta preces Phi- lippi Nerii et sociorum facultatem postulantem instituendi Romae in ecclesia S. Mariae in Vallicella Congregationem Oratorii, praefatus Pontifex his verbis suam dedit approba- tionem : « Pium et laudabile Philippi Praepositi ac presby- terorum et clericorum desiderium summopere commendantes... in dicta ecclesia unam Congregationem presbyterorum et cle- ricorum saecularium de Oratorio nuncupandam sine alicuius praeiudicio, auctoritate Apostolica tenore praesentium perpe- tuo erigimus et instituimus ».

Hisce autem robur et claritas accedit ex ipsis Congre- gationis Statutis, quae a Pauli V Constitutione Christifide- lium j suam repetunt approbationem. Siquidem in cap. IV legitur : « Cum nostra congregatio solo charitatis mutuo nexu, neque ullis astricta votorum, iuramenti, aut promis- sionis huiusmodi vinculis, olim per S. Philippum Nerium fuerit divina inspiratione instituta, atque haec fuerit eius et omnium congregationis patrum mens, semper unanimis, ac sit ut ita perseveret, decretum est, si quando aliqui ex no- stris putaverint ab hoc statu recedendum, et alligare patres, fratresque ullis votorum iurisiurandi aut promissionis vin- culis, etiamsi isti maiorem partem conficiant, ut sit ipsis quidem liberum, quam velint ingredi religionem, sed altera pars, quamvis numero longe impar, habeat omnia bona Con- gregationis, quocumque loco posita, quamdiu perseveraverit in hoc statu, nec alteri quicquam dare, vel acquisitum, vel acquirendum teneatur ». Ex huiusmodi itaque rerum statu inferendum videtur, minime inter religiosos adscribendos esse Congregationis Oratorii sodales, quum eidem Congregationi fundamentalia desint elementa, ex quibus status religiosus in suo vero sensu accepto revera exurgit.