AUXIMANA 177

Acta, Tom. XXVI. fase. COCUI. 12

Neque praeterea silentio est omittendum quomodo divi Philippi Nerii semper ab omnibus presbyteri vel clerici sae- culares fuerint appellati, neque una quidem vice regulares dicti. Quod etiam ex eo confirmari posse dicendum est quod, non secus ac ceteri de clero saeculari, Episcopo loci in quo degunt fere in omnibus subiiciuntur.

Nihilominus ex adverso plura perpendenda veniunt, quae contrariam sententiam suadere videntur. Atque in primis observari fas esset, quod, etsi stricte loquendo Oratorii pres- byteri regulares dici nequeant, in nonnullis tamen possent regularibus aequiparari, atque per consequens iuxta Triden- tinam dispositionem ab officio deputatorum Seminarii exclu- dendi forent. Revera ipsi proprium habent superiorem, quem iuxta suae Congregationis statuta et independenter ab Epi- scopo loci eligunt, eidemque reapse subesse ac obedire tenen- tur. Praeterea, patres, ad modum religiosorum, fere gene- ratim nuncupantur; et, saltem intra quosdam fines, privi- legiis gaudent ac ceteri sacerdotes regulares, omnesque eorum domus, prout et illae Regularium, iurisdictioni parochi mi- nime subiiciuntur. « Verum est, ait Episcopus auximanus, quod, stricte loquendo, filii s. Philippi Neri sunt presbyteri saeculares, tamen, cum patres nominentur, obligatione ob- stringantur vivendi sub obedientia praelati sui, exemptiones et privilegia, quibus infra certos limites fruuntur, religioso- rum instar, innuunt, eos regularibus aliquo modo accenseri posse. Ex quibus postremis verbis, et praxim forsan ad ea quae hucusque dixi firmanda, allegari posse videretur.

Sed in themate potissimum prae ceteris argumentum de- sumi posset ex cap. VIII, n. 19, statutorum Congregationis Oratorii. Ibi enim legitur, presbyteros Oratorii non posse quo- modocumque gerere res Collegiorum, Congregationum atque Universitatum. « Ne quis (ibi) ab Instituto Congregationis nostrae proprio posset abduci, statutum est , ne nostrorum aliquis se obliget, aut dedat confessionibus audiendis, mori- bus reformandis, rebusque earum gerendis. Idem dicimus de Seminariis, Collegiis, Congregationibus, Societatibus, aut aliis