192 APPENDIX II.

in quolibet vico in quo deinceps ecclesia erigenda es t , congregatis christianis in aliqua domo decenti , ut solet fieri in Missae celebratio- nibus, ibi fieri debeat publicatio, possint sine parocho et testibus ma- trimonium contrahere ?

R. Ad 1. Posse concedi dilationem publicationis Decreti Concilii Tridentini.

Ad 2. Missionarii exequantur Decretum S. C. Concilii ad Episcopum Tricariensem circa matrimonia Batavorum (1).

Ad 3. Licere iuxta Decretum eiusdem S. C. Concilii, modo non fiat in fraudem.

Ad 4. Esse necessariam publicationem in singulis et solis parochiis iuxta Decretum S. Concilii Tridentini, sess. 24, c. 1, De reform, ma- trimonii.

Ad 5. Sufficere publ ica t ionem iam factam , nisi novi accendant populi et incolae, et pro eis novae erigantur paroeciae.

(1) S. Cong. Concilii, 18 Ianuarii 1663 (ad Ep. Tricarien.) 1. Ubi Decretum Concilii Trid. Cap. 1. sess. 24 de Reformât. Matrim, non est publicatum in Parochia, valere matrimonia contracta absque observatione formae in Concilio praescriptae.

2. Publicationem praesumi ubi id Decretum fuerit aliquo tempore in parochia tamquam Decretum Concilii observatum.

3. Haereticos quoque, ubi Decretum dicti Capitis primi est publicatum, teneri talem formam observare, et propterea ipsorum etiam matrimonia absque forma Concilii, quamvis coram ministro haeretico vel magistratu loci contracta, nulla atque irrita esse.

4. Ubi etiam constet Decretum Concilii esse publicatum, vel aliquo tempore in parochia tamquam decretum Concilii observatum sed parochialis ecclesia, utpote vacans, proprio parocho careat, et cathedralis itidem Episcopo atque capitulo habentibus a Concilio facultatem alium sacerdotem ad id delegandi, nullusque al ius s i t ibi qui vices parochi vel Episcopi suppleat, matrimonium valere absque praesentia parochi ser- vata tamen in eo in quo potest forma Concilii, nempe adhibitis saltem duobus testibus.

5. Si extent quidem parochus et Episcopus, sed, nullo constituto vicario, uterque metu haereticorum lateat, ita ut vere ignoretur ubinam sit , vel eodem metu absit, nec ad alterutrum sit tutus accessus, validum esse matrimonium contractum absque forma, adhibitis tamen, ut dictum est, duobus test ibus.