216 ANDRIEN. tatum Benedict. XIV Inst. 105, § 8, num. 112, cum ra- tiones explanat, dependentiam confraternitatum a parochis imperantes, quoad functiones in ecclesiis parochialibus pera- gendas: « Non solum, scribit, ob ius parochiale, sed etiam ob dominium, primatum et regimen quod parochus et quili- bet alius rector obtinet in sua ecclesia et universis ipsius partibus ».

Ulterius his consonae sunt plures S. C. Concilii decisio- nes, idest Ferrarien. 15 Sept. 1782 in qua definitum fuisse refert « competere parocho ius praeeminentiae in functioni- bus ecclesiasticis confraternitatis ad formam resolutionis S. C. Rituum anni 1703 ad l u m et 2 u m dubium. » Item in Ascu- lana diei 5 Martii 1887. Et tandem ipsa S. C. Rituum die 28 Iulii 1832 declaravit quod functiones non paroeciales « in ecclesia parochiali pertinent ad eiusdem parochum , qualibet contraria consuetudine non obstante ».

Neque haec, psrgit parochus, infirmare valebunt adversarii asserentes confraternitates non quidem a parocho, sed ab illa pendere superiori auctoritate, a qua propriam institutionem ac vitam tantummodo repetunt. Namque hoc verum erit quoad- usque sodalitas in propria existat ecclesia, idest distincta atque seiuncta ab ecclesia paroeciali, in qua e contra semper parocho ita subesse debent, ut illa habeatur dependentia, quam ad lites evitandas memoratis decretis urbis et orbis SS. R R . Congregatio determinare voluit ; idest non illusoriam , sed veram ac realem dependentiam iuxta sensum ab ipsis canonistis huiusmodi vocabulo tributum.

Idipsum praeterea evinci opinatur ex proprio naturali omnium piarum sodalitatum, fine, quem praeter Clementem VIII in Const. Quaecumque, et alios plurimos, pulchre ita explanat Benedictus XIV dum ait « Quae (confraternitates) procul dubio invectae minime sunt, ut sacras functiones exerceant, aut in partem ecclesiasticae hierarchiae recipiantur, sed ut poeniten- tiae actus sibi utiles et consentaneos suscipiant, et opera mi- sericordiae proximo suo impendant..» Tit. eccl. 105, § 3, n. 92. Unde si ex propria naturali institutione confraternitates pri-