218 ANURIE N.

Illegaliter demum asserit, ab Episcopo confraternitati fa- cultatem attributam fuisse eleemosynas pro festo Immaculatae Conceptionis per civitatem colligendi, quia documentum cui sententia innititur et pontificia caret sanctione, et ad summum nihil aliud sodalitati concederet, praeterquam ius a Clementina Constitutione Quaecumque confraternitatibus dimanans, quae- stuandi scilicet « iuxta modum et formam ab Ordinario loci praescribendum». Ast cum in themate, ceu superius innuimus, quaestuandi facultas a dioecesana Synodo confraternitatibus prohibeatur, iam res in vado posita videretur. Ceterum do- cumentum illud, paroeciae erectioni antiquius, veluti iuribus paroecialibus contrarium in erectione paroeciae abrogatum cen- seri posset, sicuti ex decreto erectionis absque dubitationis alea evinci parochus autumat.

Tertio loco parochus Zinni putat in primis quoad aedes adiacentes intrare principium « accessorium sequitur princi- pale; » ac proinde cum ad parochum pertineat ecclesia, ita et ad illum aedes praedictae cum ecclesia unitae spectare de- bent. Idque parochus in tuto ponere sibi persuadet, tum ex bulla erectionis paroeciae, tum ex decreto materialis posses- sionis, in quam, sive quoad ecclesiam, sive quoad magnam cappellani, vulgo cappellone, ipse pacifice, quiete, et nemine contradicente, rite fuit immissus. Itemque dicendum de orato- riis ab ipso apostolico delegato eidem parocho concessis, veluti testantur canonici Xaverius Cannone, Thomas de Simone, et Franciscus Sgaramella. Stant praeterea, sequitur parochus, contra confratres antiquissima ecclesiae statuta, in quibus proprietas unius altaris divo Sabino dicati, atque « nel cap- pellone » existentis, capitulo tribuitur. Ulterius progrediens parochus Zinni nullitatem affirmat publici instrumenti diei 4 Aprilis 1787 a confratribus in medium prolati.

Namque animadvertendum est quod quum dissensiones illo tempore inter sodalitium et ecclesiae capitulum exortae circa res sacras (il cappellone, gli oratorii, la statua di S. Sabino) versarent, pro earumdem compositione laici eligi nequibant iuxta illud : « laici ecclesiastica tractare negotia non praesu-