AN'DRIÈN. 221

rochi in quocumque funere. Quibus verbis nil clarius desiderari posse videretur.

Firmiori vero robore stare, ait, ius alterum parochi, perci- piendi funeris emolumenta, ea videlicet quae obvenient ratione funeris et sepulturae cap. 1. et 10 De sepult. Clement. Dudum eod. titulo. - Rota coram Motines 15 Iunii 1699. Atque hoc non ratione laboris in corporibus fidelium humandis adhibiti, sed in compensationem oneris officii curati et administra- tionis sacramentorum cap. 1. De sepult. Rota coram Moti- nes 15 Iunii 1699. Pro huiusmodi autem emolumentis coni- mensurandis notissimae sunt regulae in corpore iuris exaratae: « Si defunctus nec sepulturam propriam habeat, nec alienam eligat, sepeliendus est in parochia ubi decedit, et omnia fu- neris emolumenta cedunt parochiae, in qua est sepeliendus.- Si autem**defunctus eligat alienam ecclesiam, tunc, dempta quarta pro parocho defuncti, ratione sacramentorum et exequia- rum, omnia funeris emolumenta spectant ad ecclesiam tumu- lantem. » Text. cap. i. De sepult. Clement. Dudum eod. tit. S. C. Concilii in Asculana 29 Augusti 1773.

Quam quidem doctrinam ipsa amplexa est Andriensis Curia in prolata sententia super hac ipsa quaestione.

Hisce summatim praemissis, sequentia proposita sunt di- luenda

Dubia

I. An sententia Curiae Episcopalis Andriensis diei 29 Maii 1891 sit confirmanda vel infirmanda in casu.

Et quatenus negative ad primam partem et affirmative ad secundam

II. An functiones non paroeciales piae sodalitatis propriae, et praesertim\celebratio Missarum pro defunctis confratribus diebus 3a 7a et 30a, ad parochum seu potius ad rectorem Confraternitatis pertineant in casu.

III. An eadem Confraternitas eleemosynas intra ecclesiam et ambitum paroeciae dependenter ab Ordinario tantum col- ligere possit in casu.