223

CAMERACEN.

MATRIMONII

Die 18 Martii 1893. Sess . 24 eap. 9 De reform, matr.

COMPENDIUM FACTI. Vertente mense Novembri 1 8 9 0 , Ar- chiepiscopus Cameracensis S. C. transmisit preces cuiusdam Desiderati Lemort, qui matrimonium a se initum cum Maria Dennequin coram parocho patrii oppiduli Steenverck die 8 No- vembris 1 8 8 6 , mulieris impotentiae ergo, nullitatis vitio infectum fuisse contendebat. Cum autem Archiepiscopo rescri- ptum fuisset, ut servatis ex iure servandis, processum in primo iurisdictionis gradu usque ad sententiam definitivam confi- cere curaret, rite ab eo tribunal in civitate Insulensi, ubi modo actor degit, die 4 Decembris constitutum fuit, atque apud illud statim acta inchoata fuerunt.

Praemisso iuramento defensoris matrimonii, sub sacra™ menti religione depositionem edidit Desiderabis Lemort, qui coram iudice affirmavit, uxorem suam hermaphroditam esse, hancque ob causam se numquam cum ea matrimonium consum- mare valuisse, licet spatio 28 dierum, quo simul cohabitarunt, fere quotidie ad id tentaraina adhibuerit. Retulit praeterea se paulo ante a Maria petiisse medicorum declarationem illius impotentiam comprobantem ab eaque accepisse chartam, in qua Maria Dennequin recognoscit propriam impotentiam, et consensum praebet, ut suum matrimonium irritetur. Haec vero declaratio, quae ab auctoritate municipali recognita fuerat, tribunali exhibita ab actore, deinde processui adnexa est. Postea cum Maria legitime citata et pluries ad comparen- dum a parocho loci Steenverck adhortata in iudicio sistere noluisset, iudex delegatus, die 29 Ianuarii 1 8 9 1 illius con- tumaciam declaravit. Tunc auditi sunt testes septimae manus vir i , ac tandem opinio duorum medicorum quoad ea quae deposita fuerant exquisita fuit. Testes ex parte mulieris, ex officio vocati non sunt, forsan eo quia idem parochus in sua