CAMERACEN. 225

Curiam Cameracensem adivit, ad quam ipse pertinebat, pe- tens ut matrimonium suum declararetur irritum et nullum ob impotentiae impedimentum. Archiepiscopus Cameracensis delegavit iudicem, elegit defensorem matrimonii, et processus fuit inchoatus. Vir suam depositionem fecit, testes septimae manus auditi sunt, ex parte sponsi, non ex parte mulieris, et medicorum inspectio tantum pro parte viri fuit confecta.

Mulier autem nec in causa acta coram laico tribunali, nec in processu iudicis ecclesiastici inspici corporaliter passa est, nec testes proposuit septimae manus, nec unquam coram iudice sistere voluit.

Hinc consultor prosequitur dicendo : documenta allata a viro minime sufficere ad demonstrandam nullitatem matri- monii in themate. Documenta enim quae in processu repe- riuntur pro parte viri sunt: inspectio tantum viri - Testi- monia septimae manus pro parte sponsi, et huius depositio. Ex parte mulieris tantum adest eius scripta declaratio, quae ait cognoscere propriam impotentiam, et consensum praebere ut suum matrimonium irritetur. In causis de impotentia, inspectio mulieris pernecessaria videtur tribus rationibus po- tioribus. 1. Ad vitandam conspirationem utriusque coniugis ad obtinendum divortium. 2. Ut concludatur utrum revera sit consummatum matrimonium, ut recognita sponsae virgi- nitate, et suffragantibus causis iustis obtineri possit dispen- satio in matrimonio rato et non consummato. 3. Ut iudicari valeat an impotentia sit absoluta, perpetua, et antecedens. Confessio mulieris, quam paulo ante retulimus, quamvis re- cognoscat impotentiam suam, non tamen patefacit naturam eiusdem impotentiae.

Verum quid deponit vir? Quod cognovit mulierem suam a primo die matrimonii, et eam invenit impotentem, tum quia arctissima erat vagina, tum quia erat hermaphrodita. Invenit enim in eius genitalibus partibus massam quandam carnis, quae similis erat membro virili. Eam apud se reti- nuit per mensem et tentavit frustra copulam; deinde ut sua depositio veridica appareret subiunxit: ipsa mihi dixit, re-

l e í a , Tom. XXVI. fase. CCCIV. 15