230 CAMERACEN.

sit ita debilis, ut eum ad copulam carnalem perfectam im- potentem reddat. Idem habet Reiffenstuel, lib. IV, t i t . XV.

Quaestio igitur de invaliditate matrimonii ex parte her- maphroditismi reducitur ad quaestionem de impotentia. At ut titulo impotentiae scindatur matrimonium necesse est ut impotentia haec sit perpetua, id est, ut non possit tolli lapsu temporis aut arte. In casu vero non constat impotentiam non esse talem « que des tentatives nouvelles - ut verbi utar Medici in causam introducti, « ou une intervention chirur- gicale pourraient facilement faire disparaître, » - quum Maria Dennequin, quae comparere renuit, nec interrogata sit, nec a medicis examinata, nec ex eius parte testes septimae ma- nus auditi sint. Ideo non introducitur causa de invaliditate matrimonii ob impotentiam, sed petitur dispensatio a matri- monio non consummato quod sponsi non possint reconciliari et Desideratus Lemort in periculo peccati et damnationis versetur. Sed quomodo inconsummatio ipsa ab oratore pro- batur ?

Sane, non semel accidit, ut in causis matrimonialibus dispensetur ab inspectione corporis et nihilominus probari possit inconsummatio matrimonii; at tunc ad moralem cer- titudinem de impotentia vel de inconsummatione assequen- dam, expendenda sunt , quam diligentissime, tum indoles coniugum, tum vitae eorum ratio, tum variae circumstan- tiae antecedentes, concomitantes ac consequentes eorum matri- monium, et maxime cur ii qui parum videntur curare de re- ligione, ecclesiasticum petant iudicium, nam ex his omnibus unice investigari poterit an sit fides adhibenda eorum dictis. At in causa nostra 1. desiderantur testes ex parte uxoris; 2. inter- rogationes, ideoque et depositiones tam breves sunt, tam pa- rum significantes, ut ex iis nihil certi moraliter erui, nullum probabile iudicium sibi formare de inconsummatione possimus. Immo, aliqua in documentis extraiudicialibus, ut plurimum, prostant indicia quae grave etiam dubium ingerunt de ve- racitate et coniugum et testium. Et imprimis: 1. Cl. Defen- sor matrimonii ex officio, R. D. Moureau, Insulis, affert te -